網路大塞車

香港互聯網呢兩日因為台灣既地震,接駁出海的連線大受影響,突然間對外失去自由聯繫既我 ,終於正視互聯網既威力啦。

更加令到我再熱切思考自己在投資的安全邊際考量；例如假設聽日全球股市因為通訊癱瘓,做成骨牌效應, 各地股市大崩盤。如果一早沒計算好,咁真係上帝保佑啦！

全球化既現在,主要經濟區裡其中一個國家出現問題,必會引起連鎖反應 ,在通訊這方面我覺得應該可以諗諗走上天啦,例如慢慢減底海底電纜傳輸數據比重, 逐漸向太空發展。

x'mas holiday

話咁快就過左個聖誕假期,現在依然holiday mood 滿溢 ,呢個假期真係開心,一家人去左Disneyland 度玩。

呢日我地由早上十一點玩到夜晚九點,講講d 遊戲先  

巴斯光年：射擊game,兩人一車,用光線槍射怪獸 ,玩得好開心!

飛越太空山：黑媽媽既過山車,有速度感,又唔會太過激 ,開心到我笑左出黎!

再玩埋小飛象,騎馬仔,咖啡杯 ,當中最搵笨就係Winnie the pooh,實在好似以前荔園既其中一個遊戲咁.

之後再欣賞一下 3d 劇場,戴上立體眼鏡 ,所有卡通人物都變得真實,最正就係呢個節目。

Adventure land 既泰山樹屋 同 溪流旅程都非常唔錯。

晚上媽、妹先走,得返我同珠珠留底欣賞煙花匯演,d煙花好靚 ,好浪漫呀。

All in all, HK Disneyland 都值得「一」去0既, 睇怕下次再去都係完全擴建之後了。

Good news

這個年尾,真是好消息不停來,太開心啦!!

首先遇到世外高人,學到很多東西,自己的投資有不錯的回報；另忽然天降數張迪士尼樂園門票使我們全家人可以到迪士尼樂園歡度聖誕節平安夜,還有,早陣子幫媽媽找到的職位,終於傳來了聘書!平時成績平平的妹妹,開始發力了,拿到全班第一之餘,成績還排行全級第三,為A-Level打了一針強心針.
妹妹最近有篇文更被登上雜誌了《月台》

好事一浪接一浪...

我兩眼已經望到十年、二十年之後的事了。哈哈！

聖誕禮物

呢對鞋就係我今年送比自己既聖誕禮物!
Mizuno Wave® Rider™ 10,初步測試,感覺良好!

有生命的紙

is funny~~^^

好驚

原來aids 重恐怖過sars!!!大家快d 逃離香港啦!!香港就黎變「愛滋病都市」!!

=======================
今日報章頭條摘要：

愛滋病毒在本港快速蔓延，衛生署發現合共兩個男同性戀者集體感染群組，有46人感染，事件成多份報章頭條。

《明報》，事件反映愛滋病毒在2至3年間以倍數傳播，衛生署指不安全的「男男性接觸」，將感染風險提升至「前所未有」的高，預計會陸續發現更多同群組個案。

《成報》就說香港隨時演變成「愛滋病都市」

=======================

香港市民日日睇呢d報道,真係想唔變白痴都唔得!!多多膠都唔夠派比佢地~~
有志入傳媒做既新鮮人們,回頭是岸把啦!!

幸福的感覺

尋日原本想同Katy 去行獅子山,但最後改左目的地,係「文化博物館」,呢個博物館都起左好多年啦,細過時同屋企人去大圍踩單車都經過左無數次,終於有機會入去真正地參觀!
呢座野裡面分開好多個展館,有新界館、粵劇館,重有三個專題,分別係玩物養志、better living同埋 眾樂與獨樂。個個館都有不同特色。
當中令最有代入感就是眾樂與獨樂,真係勾起左我好多回憶,裡面提到好多細過時玩過既遊戲,回想返現在,d 靚仔剩係識得對住部電腦同遊戲機獨樂…唉！
而最令我屏色靜氣的地方就是玩物養志區,裡面展出好多古代唔同國家既奢侈品,裡頭每一件都是藝術結晶….真係歎為觀止呀!
行行下又到醫五臟廟既時間,去左新城市廣場high tea。
無為地在商場裡面行,突然間進入左另一個世界,無心之下,同珠珠一齊發現左商場裡一個好美炒既平台,樹上既聖誕燈,背景音樂,搖搖椅,加上射出幻彩光芒的噴水池,重有小朋友既笑聲,構成一幅美麗既圖畫,好幸福,好有x’mas mood呀!!!哈哈~~

好滿足的一天!!!


by fanfansky

墨攻

昨晚去看了「墨攻」,先作個評論.
這套電影講述墨者(劉華),協助全城只得四千人的梁城抵禦十萬趙國軍隊來犯,對於近來常看孫子兵法和博奕論的我,真是看得津津有味。趙軍自恃以多欺寡,過於輕敵,以致頭兩仗攻城戰都敗北,將軍最後使計詐輸撤走大部份軍隊,只留下一千精兵,使已先置於死地,而後生,一絕!再乘黑夜坐可以載人的孔明燈空降梁城(這裡有點兒誇張),閃電奮城。可惜趙國將軍太看重輸贏,一定要墨者直接敗在其手下,再與劉華對撼一戰,最後自招滅亡。
墨子思想,主張非攻、兼愛,在戰爭中主守,「墨守成規」這句說話就是由此來。個人來說就不太認同戰爭中主守,因為實在太被動,久守必失。

這片我給予評級：四粒星(五粒星為滿分)
ps.真係好過張藝謀d所謂大製作好好多

牛棚書展

上星期日節目,牛棚書展.

by fanfansky

概念與實行

早兩晚與自己腦袋玩遊戲，想刺激一下思維，尋找一些未有人想到的東西，腦裡浮現出一個產品，就是字會「字會自動消失的紙」，這個產品會推出分為一天、一周、一月 字會自動消失的紙；優點集環保與保安於一身，一經推出普及，必會大賣，我還細心地在想想這產品的原理及可行性。
今早上網漫遊期間，發現了這個Xerox，原來已經有人實踐了。
很多人會說：「我一早就有這點子啦，只有他才想得到嗎？」，我會答：「係，你是有點子，但是你有去實行嗎？」有時成功與否就在於自己會否踏出一步去實行，這就是窮人與富人的分別。

延伸閱讀：字會自動消失的紙

補上星期日的片段

白腊 花山 破邊 西灣山 一日遊

呢個星期日,好耐未試過咁齊人去郊遊了,由西貢出發飛的到白腊灣,開始我地一行七個人既無定向隨心之旅.

by fanfansky
出席人士：帆,七,iao,綸子,成成,terry,蜘蛛.

大海無量~哈哈哈

Wet land park

Sunday bad weather and serious pollution

Have a dayout with katy after "Nike 10KM".
Wet land park, such a wonderful place.

by fanfansky

老子話

信言不美，美言不信。善者不辯，辯者不善。知者不博，博者不知。聖人不積，既以為人，已愈有；既以與人，已愈多。天之道，利而不害；聖人之道，為而不爭。

最近又再拿起老子既道德經來溫故之新,真是獲益良多,好多人一見我睇道德經既時候,就問我：e..你睇完道德經d 道德有無高到呀?

非也非也...其實老子所講既係「道」而「道」係指「宇宙萬物的根本」「萬物運行的道理」,當一個人明白到道,就唔會再只係睇到事物既表像..唔會好似街邊普遍既師奶或者twin既fan屎咁，亦都唔會比街邊既作福黨欺騙,更加唔會用幾萬銀買d超高科技零件。

老子=勁!!

女友生日

話說昨日就是女友的生日,大日子啊!!
晚上接她放工,再打算請她們一家人吃飯,可惜弟弟有事不能來,唔夠齊人tim..

送上我的禮物,其實係diy既一本相簿黎,我給自己打分70,未夠滿意,幸好珠珠好像很喜歡的樣子。
去到酒樓...嘩...小貓三四隻...菜式的質素還....西欄花炒帶子還好。
伯母非常知慳識儉,不斷替我的銀包止血,好!!有遠見~

唔知到我生日既時候會收到什麼禮物呢？

周日拍拖

星期日出去拍拖拖,先去旺角攞nike10km既號碼布同衫,今年件衫真係幾靚,好鐘意呀!!
之後就同珠珠周圍行,響旺角度吸吸廢氣,再上樓上書店吸吸書卷氣,響美心mx度食左個好大份既公司三文字,丫!!!好飽呀~~
接住落黎就去行朗豪芳,竟然撞正徐若萱既簽唱會,kawaii呢~~佢真係好似不老的傳說咁,三十歲人,但係個樣就廿二歲咁...太神奇啦!!我相信珠珠第時都會係咁既~哈哈

勇者無懼

可惜都係敵唔過死神~

咁都得...

巴士阿叔日內瓦支持陳太
究竟乜人比錢佢去咖呢?前排台灣倒餅佢又到wow~

真係有娛樂性!:D

好忙好忙

呢兩星期,因為公司一個同事走左,順利成章我要暫代佢既職務,做返我唔係好鐘意做既崗位...
上頭話,新同事下星期一就會開始返工,希望佢真係會黎做啦!

最近既生活,平談但充實,現在的我更享受獨處的時光了,平淡是福！

抱抱

今日是與珠珠拍拖一週年紀念,一週年快樂!!咁快就一年啦~

因為今日唔我閒,所以尋晚我地就去左預祝,最初打算去我地上年出黎既地方「好時沙嗲」,珠珠拍熱氣,無所謂~咁就去「果一道」啦!點知...執左...於是就去左霸王山莊食,好好味既小寵包。

尋晚我地分別著返上年今日既衫出黎...好似案件重演咁..哈哈

同珠珠既一齊既呢一年,學左好多野,好似上左堂生命教育咁,獲益良多!

依家既願望係希望珠珠第時每好變左做「肥」珠啦...:p

#
在網上看見這個活動,實在太有意義啦!!又再證明了最好的東西,都要不用錢買的!物質生活,適可而止呀!

對我自己來說,與人擁抱,要算係其中一樣舒服開心的事了,每次與人擁抱既時候,好似同女友抱抱咁,都好似有種特別既能量由心裡面釋放出黎,可能係喚醒左嬰孩時在母親懷裡既回憶啦...

This is all about love!愛能拯救世界,你們有這樣東西嗎？

p.s 好想跟網頁中的人一樣搞個咁有意義既活動...不過...依家重未夠謄..怕羞嘛

你試過問自己這個問題嗎?

"If today were the last day of my life, would I want to do what I am about to do today?"
Steve jobs 這樣答自己： And whenever the answer has been "No" for too many days in a row, I know I need to change something.

我問自己的答案竟然也是："No"

蘋果電腦CEO Steve jobs 在史丹褔大學演講辭 分享有關他的三個小故事,看後覺得很有意義,很有得著,分享給大家!
http://news-service.stanford.edu/news/2005/june15/jobs-061505.html

撞鬼/反智社會

今日返工既時候,在街上見到好多鬼仔….一個二個揹住書包返學 …..心裡說：「唔係呀…」步行到自己返既一所小學,撞鬼 …竟然成個操場都係嘩鬼…有獨眼龍,蝙蝠俠 ,重有超人…心裡一沉：「屌…唔銀係呀, 咁猛?!真係不知所謂！」

事情係發生響呢間學校重要係街坊話號稱全區最好0個間小學…

 

返學還返學,呢D咁白痴既玩意 ,留返去幼稚園玩啦,你話通識教育,人地外國感恩節你又唔學 ?我係家長實唔會比學生入呢D九流學校。

正一反智教育,世風日下 …

假期(第二天)

周日上完堂後同珠珠相約圖書館一同修行,她有她看成人圖書館,我有我去看mtb雜誌,中央圖書館真是一個好地方。
逗留了一小時多後,返回銅鑼灣醫醫肚子,路經香港馬尼拉(維園),果真寸步難行,她們為什麼要擁到維園來呢,聚會地方多的是啦~途中我們發現了一間特別的手提電話鋪,看真一點,如來係smartone,但係就主攻菲印傭市場.....model也用上賓賓呢!
Tea time完後,就走到time square,商場門口有很多遊魂野鬼在四處走...哈哈
之後恐怖既事發生啦,我見到兩隻紅醫女鬼...但係珠珠竟然話見唔倒...唔通萬聖節都咁猛?算啦,我時運高...
再陪珠珠行DHC,然後就再大鬧NOKIA旗艦店...玩盡所有手機,HAPPY HOLIDAY~~

終於煲晒22集prison break

終於煲晒22集prison break,最尾兩集緊張到暈...開住冷氣睇都滴晒汗...

最尾一集主角michael scofield 同佢既哥哥lincoln burrow終於逃出監獄,可惜在四處既搜步捕下趕唔倒時間去meet接應既飛機,在跑道目送飛機離開,太可惜啦....(故事待續,下一季再見)

點解人地美國可以拍到d電視劇咁有張力既呢?汗顏~~

頑固的喉嚨痛

兩星期了,小弟的喉嚨時好時壞,又右邊痛到左邊,痛到唔痛,近兩日又痛返(講野大聲時才痛),真係好煩惱呀...
這個該死既喉嚨痛真係藥石無靈呀...我決定由今日起出街食飯只飲熱飲直到完全康復為止!!!

prison break(逃)

近兩星期,每有閒暇,第一時間做既,就係開著部notebook,睇prison break,一睇就停唔倒,試過最長連睇三集,現在終於睇到十六集.

劇情係講話,型仔建築師主角michael scofield既哥哥lincoln burrow倦入左一個國家大陰謀裡面,副總統旗下既特工們要致lincoln於死地,不惜將一項殺人案件嫁禍於佢,為左拯救哥哥出生天,大好前途既michael最後特意去打劫銀行,令自己被判五年監,送到哥哥身處既高設防監獄裡,利用自己天生既記憶力,以及對建築結構既專業知識,要在三星期內在獄中建立一支可以逃獄的隊伍,全身而退！

我向大家誠意推薦呢套電視劇,保證一睇上癮~~XDDDD

聽珠珠話有套電影(月黑高飛)又係講逃獄,同prison break好似,遲下有時一定會搵黎睇下！

同期追睇劇集還有：nip/tuck,ER
期待lost 既season3!

黑仔....

真係黑仔呀...下午出去食飯時捉晒虫...好唔高興呀!
今晚都係唔好踩單車返學了,費時炒車...

經呢件事後,又學倒野啦!!以後我做野要更有組織先~

龐比度中心珍藏展

這個周未好去處,就是到藝術館參觀龐比度中心珍藏展!
今次既主題係大師對象,展出作品畫家還有其中一個我很喜歡的francis bacon(培根),太興奮啦!
場內令我感到新奇的是那一些銅像,有機會的話我也想弄一個玩玩.還有畢卡索少見的寫實畫作小丑.看完這個珍藏展,最喜歡的一個作品要數是沉睡的繆思,也是銅像來的。
看罷上一層看另一個主題展覽「髮語」。

無間道風雲

昨晚,一個人看電影去,太爽!

一向喜歡Martin Scorsese大導,十多歲時看了taxi driver,到Raging Bull,後來的gangs of new york,aviator,除了狂牛外,其他都很喜歡。

史高西斯的電影出名長氣,今次這套無間道風雲又是一套超過兩小時的作品,藍本來自香港的無間道,歡眾難免比較,但幸好自己記性差(有時記性又很好),香港的一套說什麼我都不記得了,看美國版看得很開心。
Leonardo DiCaprio & Matt Damon演出稱職,最好的不用說,當然是Jack Nicholson!

值得一看,惟可惜的是,這片種應該不太合女性口味,否則我也不會一支公去看啦....

中秋翌日

中秋翌日,精神不太好,下晝出去銅鑼灣聚會,有小瑩、朗,可惜katty,阿雄黎唔倒丫~

小瑩：你d 體能唔多掂wo,行幾步就咁快累0既?
朗：容光煥發,大把男仔追啦,睇落你都算fit丫~

中秋節

今年中秋先同家人到酒樓慶祝,晚上十時多就與女友去清水灣玩燈籠

,當巴士去到清水灣對上,我們往下一看,平時漆黑的沙灘,充滿著亮麗的火焰,太美了!
下到沙灘,實在是水洩不通,非常熱鬧!我們先點起燈籠,再去找領地去.
最後在沙灘的另一邊,比較接近水的地方駐紮,鋪上cover,開始建起陣地,咱們畫了一個大心,再從附近的一家人借來了鏟子,沿著心心的紋路一直往下弄了一個深坑,再在裡面點上蠟燭,火紅之心心完成了!哈哈~
坐下來休息下,吃吃冰皮月餅,玩玩營光棒,最後兩時多離開,送女友回家,

等了很久車,差不多三點半才送女友回到家門前,特別的事情發生了,竟然無帶鎖匙,唯有硬著頭皮敲門,按門鐘...打手提,打家中電話,再大力拍門,依然無果...伯母還真食得熟...
最後拍了足廿五分鐘伯母終於醒了,謝天謝地...

因為太累了,在女友家睡到早上~

太好玩啦

城市落山單車賽@steve peat,太好玩了~


連市長都玩埋...不過你地睇下....:p

國慶

十月一日,同女友第一次約會一週年紀念,記得上年既天氣很燜熱,今年既天氣非常唔同,很秋高氣爽,我地下午到達第一站,山頂!
現場涼風陣陣,很適合郊遊,到晨運徑走走,見到很多遊人帶狗散步,兩公里多的小徑,行了好像很久.下一站就去了剛新開放的靈屑閣,有很多店舖, 但還不是老樣子.在香港,每個商場都好像複製品,裡頭總是有Swarovski,數間連鎖服裝店,esprit,馬拉松等...可以用「悶」字來形容.
可取的就是商場頂改為一個觀景台,可以飽覽香江景色,但遺憾是我們的天空總是被塗上一層灰色...
走上巴士,到下一站銅鑼灣!
吃點東西,再到維園休息一下,順道欣賞綵燈會,那些綵燈真是比較一般...好像核子反應堆一樣,我完全想像不到主題是「水」,時間過得很快,要趕往今天最後一站,添馬艦.
我們參加了一個愛國活動,進場後方發覺節目不大吸引,最後玩了玩攤位遊戲來打發時間,等待煙花發放.
九時十五分,大家都坐在空地上欣賞煙花,今年的煙花很美呢~

就這樣過了充實的一天！

by fanfansky

假期遊蹤(周六)

星期六

上晝要返工,下晝去左踩單車,去到飛鵝山途中竟然落狗屎,齊齊變成落湯雞,山固然係踩唔成,最後四處遊蕩了一陣就返屋企LU~

人有相似

昨晚看電視劇(鳳凰四重奏),最後這一代馬德鐘的角色實在太像我了,其實我相信每個男人都想他的女人會與他一起進步,一起去到更高境界的,(不緊張女伴的話又何須花這麼多心力替她計劃呢)實在是一片苦心。

再晚一點十時多與朋友到貨倉接回我的舊座駕(單車),家裡實在無位多安置一部單車了,在看的你們有人想收留我的舊座駕嗎?

李鄭屋舊朋友聚會

闊別李鄭屋年多,自佐治兄婚禮後,大家終於再聚首一堂,去到george元朗的愛巢參觀去!

見返大家既感覺---
george:重係咁瀟洒~
大嫂:入得廚房,無骨雞翼一流呀!
cathy:瘦左,眼圈大左,去吧,degree等緊你~
winnie:長頭髮新look,靚女左!
史丹利:日日見,唔覺有乜唔同.
自己:高左,大隻左~哈哈

晚飯其間說起往事,nicka那一些最搞笑.
多謝主人家請客!:D

梧桐山單車之旅

自從入夏以來,少了騎單車,炎熱夏日mtb實在太辛苦了.
最多是返工放工代步,與及去了幾次港島徑cross country.

上星期六第一次返國內騎車,認識了新朋友下等人,阿強.
六點九藍田集合,七時多上車,八點左右到達皇崗,闊別深圳七年,我終於再返回祖國既懷抱!
其實點解咁耐無返去呢?因為我對呢個地方有好大成見,基本上我係岐視內地那一些無教養既人(不幸的是這種人圍數很多)即使我既上一代也是來自內地.
離開皇崗口岸,踏上旅程,先與貨櫃車短兵雙接,跟巴士爭路,好快就去到東湖公園.


經東湖公園去到深圳水庫,踩了一段較易的山路熱身,好玩但很熱...真想脫下頭盔來玩~
玩這個路段就往梧桐山去了,在市鎮吃了一個很咸很多味精的蔥油餅,心想...咁都食佢地(當地人)唔死0既....勁!!

接著開始騎七公里的長命斜上梧桐山,真要命...很久未試過雙腿抽筋了!
最後拚盡吃奶的力捱到山頂,美麗的風景盡在眼前,極目四望,一邊看到整個深圳,另一邊看到香港境內的八仙嶺,大帽山,吊燈籠附近,太美了!

往前行,到今天戲玉,先xc一段再落一幅很斜的坡,嘩...嚇死人...
然後再接一段比較無咁高難度既路線落山,整條山路充滿碎石,難度頗高,相信是會很好玩,但在上山時已耗盡體力的我,騎得很吃力...要大隊久等了,最後大慨一小時完成吧!

by fanfansky
onroad 回到蓮塘吃下午茶,埋單用了一蚊!
再陪團友們去睇單車零件...實在看太久了,最後自己先回港,謝銀仔帶路!

Photo of the trip

by fanfansky

by silverhunter20

感動...

全因為愛,一個爸爸帶著他的嚴重傷殘的兒子完成一個三項鐵人賽,即使他不是一個運動員.
感動到喊...

全因為愛!!

拙見

最近無乜野好寫,今次試下學人寫財經評論先~呵

招商銀行上市,我一手都抽唔倒...10:30現價11.2元,如果抽中左已經每手賺千三蚊以上,阿媽又唔信我wo,如果佢都抽返手,依家卡卡笑啦已經...orz
真係唔好彩呀!等待適合價位會在市場入貨.

睇返股票市場,依家d 師9已經開始失晒常性,一見到中國內地既ipo(第一次新股認購)就撲晒去買,先有京客隆(北京便利店集團),中國海洋石油化工(原來係搞化肥)....ps.雖則祖國既(十一.五)經濟策劃話重點會有農業,但我都不認為搞化肥會有什麼大作為.便利店就更加...
還有巨濤(海上轉油台公司),以上幾隻ipo只有轉油台公司我覺得會有點前境.
呢d公司仔每每招股就黎個幾百倍超額認購....amazing...

恒指已經上到六年新高,不理性既因素已經出現,看來大調整(我希望的大跌)很快就會來臨,哈哈...儲定錢執平貨!!!

一周回顧

呢個星期工作比較休閒,星期六踩單車返公司,推架車落樓下之際,聽倒有d雜聲傳黎,原來係單車個前轆有粒螺絲帽爆左,頂...唔係呀,套軨好貴架wo,唔係咁易爆呀?!放工之後去左整,一肚氣...下刪一百字....
星期日天氣好好呀,同珠珠出尖沙咀行街,響海港城見到官恩娜,真人幾靚女呢!
經過凱達格蘭大道,竟然比我發現巴士站poster有個西人真係好似我,我重以為自己照緊鏡tim~
之後再陪珠珠去(爛need治)買cream,諗住順手睇下d 靚女sales姐姐啦,呢個時候怪事發生啦!!

點解,望黎望去珠珠都係靚絕全場0既?唔通真係情人眼裡出西施?!

周末

連續幾日媽媽都要加班,星期日也要上班,累得身體毛病又走出來了,真是辛苦她。
做人兒子的我,唯有幫她做盡所有家務,很累很累...
如果自己賺多點錢不用她打工休息一下你說多好!

星期六原打算出去踩mtb,最後成成又放飛機,再係咁真係要放佢入黑名單啦,好似阿ling咁!
無所事事於是就同katy出左去睇戲,睇「命運自選台」,呢套戲以笑片作包裝,但竟然差一點令到我流眼淚。
這故事帶出現代人每事貪快,唯利事圖,最後到死前一刻先明白有更多野比錢,事業重要,但係已是徒然!

天氣涼了,我聞到秋天的氣味,有種特別既感覺由心裡出來,星期日上午去上課,下午與妹妹去跑步,她實在很遜,跑很少路已經投降,己往經常不做運動,難怪有這麼多鬼祟肉長出來。

音樂人「雷頌德」

今日要介紹香港有個才華揚溢既音樂人,佢叫做雷頌德!
繼想當年佢隻「紀念日」抄suede既beautiful one,之後再有「眼睛想旅行」抄cher既believe,最近又有新既傑作!就係側田既volar,前日同朋友行街時聽倒呢隻歌,咁我就當左係美國usher既yeah,在嘴裡跟住哼著,唱唱下的時候...點解會有廣東話0既?!當場打個突~

奇怪既係,其實佢地抄d外國咁hit既歌,如果有留意國際樂壇既人一聽就知乜事,側田自己又唔係唔識作曲,點解要唱音樂人d 抄歌呢?唱完口都臭~唔通有人當香港d歌迷都係白痴?!

就係下面呢兩隻歌!
側田-volar

usher-yeah


延伸閱讀：
創作與抄襲，從花兒談到雷頌德和側田
竊曲不算偷?樂壇抄人王雷頌德

太陽在西方升起

昨天收到老朋友阿rain/simon來電,太久沒見了,剛好他又不用上班,於是放工就在將軍澳陪他買牛仔褲,波鞋,電話,在圖書館殺時間,等了接近一小時他才到,這麼多年,性格還是老樣子.

先解決牛仔褲問題,開玩笑的帶他走進hoso,價錢牌打著要九百多元一條,嚇得他目瞪口呆,轉頭到佐單奴,竟然閃電地成功買下一條!真爽快,少見!接著試鞋...症狀又來了,半小時還決定不到買什麼鞋...最終沒有買到.

然後路過osim的展銷特區,混吉一番,像我一樣瘦的阿rain竟然走去試用那些減肥裝備震震腰,實在令人忍唆不禁.

晚飯時間,去了香辣屋開飯,叫了個二人餐,很豐富,咖哩實在太美味,充滿椰香之餘滲著濃濃的菠蘿味,很開胃,食到汁都澇埋!!二百多元埋單,就當是遲來為我補祝生日的飯局,rain請客!!多謝晒!!haha~~

 

 

 

 

雙鹿石澗

九月四日 天氣：炎熱,間中有陽光

今日係行雙鹿石澗和測試新鞋既日子,其實早於兩星期前已經約定了,原先有五人行,點知早上才有三人臨時放飛機,原因係「病」.真是巧合!最後得返terry同我兩人上路,幸運地,今天也算是不枉此行.^_^

十一時多到達西貢市,買包包買水,幸運地能趕上去西灣亭街車的班次,下車後接上石屎小徑很快就落到大浪西灣,今天還真多人,灣內泊了很多遊艇,我們汗如雨下,脫衣服就往投向大海的擁抱去,暑意全消…爽呀!

上岸後我們就赤腳地走向下一目的地,雙鹿石澗,展開crazy的旅程,到四疊潭,先看到熟悉的面孔,好像是阿tim,頭也未回就有另一把聲音叫我,原來係阿家,真係有緣,又碰面了.terry與我立即更衣下水去,四疊潭的水溫很清涼,此時有些外籍青年正在玩高空跳潭,很好玩的樣子.弄得自己也心癢癢想跳,最後還是攀上去了,再第一級跳下來,第二級,第三級…噗通跳下去,沒感覺…..最後再攀高一點跳下來,終於找到一點刺激的感覺,太好玩了!!可憐的terry跟我一起攀上高位,但上到去才發現好像太高,面如鐵青,等了很久才鼓起勇氣「呀」一聲跳下來.

跟阿家,tim道別後再上路去,沿路找些濕石青苔路來試鞋,感覺不錯,很快又遇上另一班認識的朋友,竟然又碰上七七同杯麵人,太開心了!!!他們一行有十數人,我們的二人團就跟他們一起上路去.很閒遊,一起大休,再「黐飲黐食」,哈哈!!生果大餐!!
食飽後他們crazy的面目露出來了,十數人拿出了水槍來大戰一番,我坐在一旁觀戰,很快就被殺錯良民,中了很多記顏射…



大休後再上路,經過石棧道,跟杯麵的閒遊團道別了,信心增加了的我和terry,開始做outstanding的東西了,每個壁,瀑布位,我們都捨易取難,極盡浮誇之能事,令其他上山藝班的同學汗顏了,真不好意思~最後順順利利通過,回到山徑,安全下山!!

終

新鞋用後報告：
感覺良好,濕石表現出色,唯鞋帶實在太易鬆脫!
整體表現,85分!

flower for katy

這星期六又出發去左淺水灣,深水灣游水,真係開心呀!

星期日畫了這幅畫,可惜不夠時間...
katy你睇下鐘唔鐘意?

硬膠膠

依家既社會實在太多怪現象啦,其中一樣.
d 乜乜展覽,d 人都唔知去睇野定係睇女既...加埋成班阿叔拎住部SLR黎影d model....真係幾誇張

轉貼：
cheap cheap展覽會

Ling Ling加Sylvia攝影活動被迫腰斬

心死了

解決!!XD

這個周末

星期六
這個星期六先同朋友,四個麻甩佬去淺水灣游水,有成成,春卷,綸子,我,原先打算叫埋恒恒,點知佢又唔得閒.我地先響天后集合,我準時到達,點知兩個開車出黎既人遲大到,成九個字咁多,炎炎夏日下,欣賞埋一個街頭鬧劇後,春卷架車終於到啦,個車款又真係幾靚,有d跑車feel,好過佢以前架錢七好多啦,車就靚啦,可惜車主唔肯開冷氣,想熱死人咩....
大家焗住四十度既大富豪桑拿咁經香港仔,黃竹坑,好快就到淺水灣...點知..又有事發生,車主行錯路越走越遠,最後響一條雙行車線好驚險地180度u turn...激....
好幸運地,我地有命落到淺水灣,高高興興咁游水了~玩玩下肚子餓,四個麻甩佬好浪漫咁響沙灘上食波仔飯,太正了,食飽飽就好興高采烈地游左出防鯊網,個距離應該有超過三百米,游到出去都幾累,之後同綸子決一高下鬥快游返去浮台,結果係勝負不分.

星期日
上堂用corel painter畫左呢幅作品,幾好玩,之後再去珠珠屋企sweet sweet!!:DDDD

死亡筆記

昨晚跟女友去了看電影《死亡筆記》,這個故事是講述一個少年有一晚在街上拾到一本死亡筆記,凡寫到這本筆記上的名字,這個人還要是主角認識的,他在四十秒後就會死亡.
主角是一個讀法律的學生,他覺得司法是有它的極限,有很多罪犯都沒有得到應當的審判而逍遙法外,於是他就自己當上判官來,決定那些罪犯的罪名,一個一個地將他們殺掉,最後走火入魔,就連不是罪犯的人也都濫殺.
而電影中另一主角是一個出名的偵探,但佢既真正身份是只係一個瘋狂地食甜品的少年,在電影中與擁有死亡筆記的少年鬥智.

影評：
日本的電影始終追不上世界,每次看日本電影都會覺得無論內容跟演員都很浮誇,這次也不例外,中前段節奏還可以,但一到查案的部份就開始非常悶,最後吹脹的是竟然有續集,不要旨意我會去看!

純粹分享

同朋友傾開計,有其中兩三位男士表示唔會考慮同香港女仔拍拖,表示死心咁話...
佢地講出左好多男人心聲,有d point 我都認同0既..

點解香港某部份(其實可能係極大部份)女仔會比人d 咁既感覺呢?

參考文章(幾有趣):港女

高興

好耐未試過幾個麻甩佬一齊行街啦~
今日上完堂先去旺角Shopping,去到攀山,周圍搵我著開既5.10,我最心愛既water tennie 竟然停左產,於是我去搵鍾sir投訴,傾左一陣計,鍾sir介紹左對新鞋比我,著落又幾好wo,希望著左佢我可以有返以前既功力啦!
最後terry同我一人一對,我地又變boyz啦,成成就左對好貴既salomon,三個人加埋千七蚊埋單,成為尊貴會員,?埋張vip卡,哈哈!!
買完野就走左去海港城睇空中姐姐,hehe~~真係高興呀~

funny toy

blog surfing 發現呢個新產品,推出時真係想買返部黎玩呢~

GPS-CS1 數位相機GPS

生日lu

今年生日既節目真係多鑼鑼,尋日先同珠珠去睇魔盜王(好好睇呀!可惜重未大結局.),之後去左茶茶度興祝我地拍拖9個月,再上珠珠屋企收佢比我既生日禮物,真係好高興呀!!!

魔盜王
johnny deep 演出繼續地咁正,劇情有故事性之餘不乏笑位,實屬一套很有娛樂性的電影.

拍拖9個月
開心既時間過得特別快,轉眼間就同珠珠過左9個月了,總括黎講開心時間當然係多d啦,隨住時間,覺得珠珠越黎越貼心,越黎越靚。

生日禮物
心裡面一早估份禮物應該係食得既,我估係cake,點知原來係(珠)古力,哈哈!
d(珠)古力包裝真係好靚,味道ok,多謝珠珠!!!之後原來珠珠重有一份神秘禮物送比我,實在太驚喜了,我更加鐘意,HEHE...我實在太幸福了。

今年生日願望
其實上天對我真是很好,我想要的全部現在都擁有了,不敢太過...
依家只想搵份好發展一點工作,不要令愛我的人失望。

好大風既三號風球

呢幾日真係好大風,甚至乎比我以往見過的八號風更大風,但係天文台依然只係掛三號風球,我個人有時真係幾陰謀論既,大家睇下下面個網頁,你地試下諗我諗緊d 咩?
按我

氣象．人．語

MV分享

MCHOTDOG,一個台灣的RAPPER,加上張震嶽,很正的MV 啊！

彌散石澗一日遊

很久沒行澗,今次走到剛起了昂平360纜車的彌勒山行澗,因為太耐未拜訪此澗既關係,行過左澗口都唔知,於是就問問附近的村姑啦.我說：「阿姐,請問附近條澗澗口響邊呀?」阿姐：「彌散？好危險咖WO,你重著D 咁既鞋去行？」我再問：「個澗口究竟響邊？」之後再被訓話一番之後阿姐終於話我地聽.的
我們沿著一條已經變成小溪流的小徑行進,耳朵一邊聽到很大的流水聲,終於到了入澗既時候.
真係嚇死人...好大水,我地非常咁興奮,開始我地既旅程了






旅程中我們攀了一個瀑布,terry就在這裡受傷了！

這個下午很無聊

這個下午很無聊,寫寫博客先~
回顧這個星期,精神真是欠佳,感冒好像老是未康復似的,明明已經睡很多,但早上起來卻是依然腦筋不清晰,我最討厭這種感覺!

昨晚安裝了新的寬頻「香港寬頻」,終於脫離了和記,我是安裝bb25的,測試速度有2951kb/s,今天早上bt還突破了3000kb/s,很快,但用了一天,感覺好像速度快上快落,不太穩定.

明天計劃了去大嶼山行澗,但現在出面的大雨真是叫我擔心,希望明日天公造美啦!

便宜寞貪

剛剛過去既呢個周末,去左做文化人,誰說香港是文化沙漠?
你睇下書展,日日迫爆,香港人咁鐘意睇書,點會無文化丫...

星期六晚上,跟阿媽同妹去,當晚夜書市免費入場,於是就陪下屋企人啦,去到灣仔會展附近,點知打蛇餅打到去灣仔運動場,都咪話唔誇張,排左一個鐘頭隊先入到場,場內四處水泄不通,試問點睇書?!
捱了幾個小時既碰撞,凌晨才逃離書展地獄,真是萬分痛苦!

星期日下午,陪女友去,因為她的朋友有pass,可以免費入場,去到又係打蛇餅,天氣非常炎熱,又要等她朋友帶我們進場,過程兜兜轉轉,如果我自己買票的話,一早進場往嘆冷氣去了!

兩日內的兩個教訓...便宜寞貪!!!

博奕

機會稍縱即逝,今日下晝竟然比我撞倒隨風而來,隨風而去既校長,我呢d small potato,有幾可會見倒管理層丫,呢個平時黑口黑面既粉腸,竟然笑笑口咁埋黎同我講野,佢話希望我留底咁既意思,咁受寵若驚既情況下,我無把握機會同佢反映我唔滿意加人工加得太少,五分鐘後我醒覺了,走返要去搵呢個x街,結果搵佢唔倒,就咁比佢走左...唉...依家真係後悔莫及

人世間每分每秒其實都充滿博奕,我地要隨時準備好要面對可能突然來臨既機會呀~

病左

響無徵兆下...病左
獲得寶貴既一天假期

哈爾賓冰雕展

在HK

Coldplay Twisted Logic Tour

望穿秋水,終於等到今天了,其中一隊我最愛的樂隊Coldplay 終於來到香港.
音樂會在新落成不久的AsiaWorld Expo 舉行,真係幾遠水路.我等窮人家,無錢搭機場快線,唯有取道東涌轉S1巴士線到會場,最後既結果係遲到.

一下車,陌生的地方,四野無人,清風送爽(其實是吹著熱風),伴著附近飛機引擎的咆哮聲,還以為自己身處機場..


進入場館,很大…真的很大…
這音樂會八時開show,但時間已經八點二十分,還有很多人在門口飲啤酒,自己擔心遲到,趕快進場去,原來真是未開show,等了又等…終於九點鐘開show, yeah!!


我們的位置不錯,座得很前,但很快就一班人站在我們的視線前面,被迫要站起來看,後面的人當然也要跟著站了.在漆黑中,Chris martin 終於出來,大屏幕亮起時間倒數,先來一首square one,大家跟著節奏一同起舞,整個台板都震起來了,很好玩!!
接下來再唱了多首hit 歌,yellow, speed of sound, The Scientist, Clocks, In my place,每一首都扣人心弦,他們玩得投入,我們聽得投入.

今次的舞台設計是我看這麼多concert以來最好的,即場的製作已彷如music video一樣,燈光玩得很絕,還有好多燈投射他們的樣子在牆上,連激光表演都做埋.

最後的一隻歌,fix you,全場一齊歌唱,真係好感動,Chris 很風趣,其他成員夠型,What are good show~~

究竟Keane 幾時會黎香港呢?