小事化大

今日又學倒野!

話說下晝幫一個主任setup左一部dv響班房,到放學時又拍完校園電視台,於是就去收機啦,點知去到班房部機唔見左,返到office原來有個同事幫我收左,個主任就同我講部機有d野欄左呀,我就話ok啦,咁我report 返比校務處聽啦!

落到去還機,report返,跟住就要搵個IT部老師黎,之後開始審犯咁審,問我幾時set咖,幾點收架,呢樣0個樣...我剩係負責幫老師setup d 機炸wo,依家搞到好似我整欄部機咁。
之後重搵埋個主任同幫我收機個同事黎對口供,又話要寫report 又話要同老細交代又盛...我旁觀者的眼裡只見幾個人在不斷推卸責任。

區區一部廢dv機都要咁搞,佢地都都on9既!!

就係咁,一件小事就變成大事...唔怪得之香港人咁大壓力啦!

依家真係好大壓力tim,響學校呢個井裡面都搞到咁,出到出面d公司未......

叉電

炎炎夏日,還是去行澗好過mountain bike,今天回去探探我第一次行的澗,橫涌石澗,記得當年「地圖無,計劃無」就咁燒焦...結果要call消防隊來拯救...還給人鬧人餐,哈哈

繆思

陷於翻騰的思潮中多日,今天繆思女神忽然來找我,她帶我走到我最愛的山上往下看。

我明白了,我回來了。

睇波後遺症?

世界盃分組賽未踢完,我已經快崩潰了。
呢排唔知係咪睇波多,睡眠唔夠,近幾日一到下晝三四點個人就即刻無晒奶力....唉

咁既精神,聽日都唔知點返工,撞正最近公司多野做,又唔想請病假使人誤會...真煩

一週感言

最近開始迷上了網上的blog世界,連單車網也少看了,以往的我只會看自己認識的人的blog,但因為bloglines我把很多朋友,包括很多自己不認識的人的blog都把訂閱了。每天定時上去按按就能看到他們有沒有更新blog.

後知後覺的我發現blog不僅是我們寫日記的地方,原來已經變成了新的資訊平台,有很多世外高人還利用blog每天都在發表他們對各個層面的見解,真讚!!我負出接近零的代價就能浸淫在他人的智慧裡學習.

Blog,謝謝你!

最近正在上國際音標的課,學習英語的正確發音,真是悲喜交集.
我終於徹底地感覺香港教育制度的失敗,在已往老師的教導下,在無知中,原來學習了多年的不知所謂英語發音,我簡直不能相信自己竟然把很簡單的英文單字唸錯廿多年而不知,我們要進步,寄望下一代不要再錯下去了.

病

昨晚連看兩場球賽,看到兩時多,英格蘭終於入波!!!

身心疲累的我,今天終於請了一天病假

好好在家計劃計劃

頭痛

好大壓力,究竟幾時先可以解決

呢排工作好忙,打亂晒我d節奏。對住個死人校園電視台真係好頭痛,d 老師都唔知自己想點,我又點可以知道佢地想點呢,比班盲毛響度浪費我時間.

返到屋企,覺得自己負住好大擔子,成個家都要我睇住,要面對抱怨同時又要計劃自己將來,究竟幾時先可以見到我既願景呢...

如果有高人可以指點下我就好了

世界盃足球戰報(1)

日本對澳洲 1:3

足球就係咁刺激,十分鐘內可以發生咁多野,日本原先領先一球,最後連輸三粒...
今年日本好似無左上屆既體力化打法,好多時響中場搓波,傳球到位,上半場抵領先,可惜去到下半場尾段被人追返,川口能活絕對有責任,失球後日本後防意志盡失,終致大敗.

捷克對美國 3:0

賽前對美國完全無認識,個個都唔知乜水黎.
捷克打得好,真高拿真係高晒,大勝!

世界盃足球戰報

四年一度既世界盃,又到捱夜的時間,睇左頭兩日部份賽事已經令到我精神恍惚...真難想像廿幾日會點過

德國 對 哥斯達黎加 4:2
德國前面攻擊強勁,但後防錯漏百出,對住弱旅都要失兩球真係危....

英格蘭 對 巴拉圭 1:0
英格蘭行好運先可以獲勝,中場線牌面係唔錯,但好人可惜攻勢唔到肉,下半場比人搶返唔少攻勢,悶波一場.奧雲缺態,希望下場朗尼復出可以好睇d.

瑞典 對 千里達 0:0
有點攻防戰的味道,千里達頑抗下差點爆冷成功,下半場十人應戰都唔覺處於下下風,暫時最好睇係呢場.約基轉打中堅係有d料到,有新意!

荷蘭 對 塞爾維亞和黑山 1:0
賽前對荷蘭懷好大希望,點知得上半場有少少睇頭,下半場...悶波
荷蘭前線太著重洛賓,得佢一個響前線哨,好快扯乾,下半場更加比人睇通晒,雲尼斯達來得唔倒傳送,交唔倒功課.

666

呢幾日家中電腦又short左,無得上網...0係依家電腦既世界,無一日電腦已經唔得掂,何況三四日,一個月重要壞幾次,「和記!!!」佢比倒呢個體驗我.大家千萬唔好用和記上網呀!!!

好悶,屈左一兩個星期,就黎要爆啦!!

過去呢個星期日就同女友計劃去東龍島玩,朝早一齊飲完茶先搭車去鯉魚門再轉船去,響巴士站等車,頂!!等足四五個字先有車到,去到鯉魚門既時候...就係因為咁走左班船...真係激死我!!

之後轉左地鐵入調景嶺轉巴士入西貢,浪費晒d車費...頂!!
在西貢市閒遊左一陣忽發奇想,想去嶂上豆腐花,於是又轉多一次車,再走入西貢既深處,最後落錯車,早了一個站下車,結果要行回頭路上斜去返路口,進入山徑,拾級而上,落大雨了,路上滿佈泥濘...心知不炒,帶錯珠珠上山了,餘下的路比想像中難行,幾經辛苦先走到嶂上士多,食碗豆花...

休息後從天梯走到榕樹澳,再出西沙公路,可憐的珠珠就此虛脫了...

對不起!!katy~~