2005年總結

回顧這一年真是最不幸和幸運的一年。
今年所有甜酸苦辣我都嘗過,失去了一樣很重要的東西…又得到了另一樣很重要的東西，但這兩件事的發生同樣也使我成長了。

現在的我,還是年頭我所希望的見到的我,很滿意!
人總是要不斷進步的…

來年願望：
1.自己/家人/朋友身體健康
2.同女友過得開心
3.事業有進展
4.have fun everyday,玩得更癲
5.6合常中.哈哈

開心假期

感恩因為耶穌的誕生為我帶來這個美好的聖誕假期。
兩天對著妳,兩天跟朋友玩樂, 真是何其快哉。
希望以後每年的聖誕都可以過得這麼快樂啦~

起馬七八年沒有到過海洋公園,有點重拾童年時的情懷,越磺飛車太刺激了!!

還有剪了一個新髮型,朋友們覺得不錯,但回家就被給予劣評~哈

掛念

今個星期挑戰自己,要五天不見女友...
去到今日已經好難忍..,原來幾日唔見妳都咁辛苦咖...

還剩下一天,就可以見倒妳了!!太好了~

郊遊

第一次與女友去郊遊,為路線真是搞盡腦汁…很怕會令我的珠珠受苦。

這天十時多在西貢市中心上街車,在西灣亭起步,踏上這條我精心挑選的高難度路線,長12公里,非常費力難行,以及須要豐富行山經驗人士才能夠行的路徑。

今日天氣十分之好,清風送爽,沿著山徑而行,萬宜水庫的光景盡入眼簾,還有碧綠色的湖水,很久未試過如此閒遊了,大半小時後到達很大浪的大浪西灣,在無敵海景下先吃早點奇異果再上路,上山時太陽熔化了我們,原先穿到一隻粽般的大家都要脫下外衣,我還脫剩一件短袖衫呢!

再行一段路去到咸田灣,走過沙灘在士多加水,過到大灣,再上一點山就在東灣大灣中間的牛屎山坡上大休煮食,飲了湯再煮了兩個面吃,食飽飽就在軟棉棉的草上來一個午睡,一邊賞浪,賞妳,一邊嘆嘆茶,此情此景,真是人生一大享受…我實在太幸福了。^^

休息夠就步回咸田灣向終點北潭凹進發,在大浪凹欣賞美炒的日落,大陽下山後,天氣很快就變得寒冷起來….快要凍死我了,幸好有大大個人肉暖水袋在旁…哈哈

六時多終於走到漆黑一片的北潭凹,乘小巴回到文明。

To 珠珠
你真的比我想像中的體能要好呢!!讚!!
感謝你家的一餐晚飯,雖然沒有一樣飯菜合我胃口,除了高脂黃油雞湯外。

感謝您!!

你的恒恒上

受傷

好耐無去過河背水塘踩單車了,呢個周末就決定去返次啦,今次同行既有成成,becks,銀伯,mm,ne.
好開心咁出發,由甲龍林徑去到河背的downhill路,帶頭高速落山,沙塵滾滾,就在一個泥坡位炒車了,背部先落地,單車的brake 手也給我撞 r ,早一天買的手pad 給我擋上手的撞擊,但是膝蓋就沒那麼幸運,帶上護膝也被擦傷,看來要好好檢討一下安全措施。

落到河背村接上環塘路前經過一有機農場,有一班幼稚園生在旅行,把握機會問問他們的老師,借到了棚帶包紮,再飲了杯充滿豆味的美味豆漿就再上路,吃午餐後,開始環塘,踏了半小時,去到一樓梯位,照常衝落去,點知落到一半時甩踏了,就咁樣,就炒多次,連人帶車跌落了身旁高兩三米的山坡下,撞親條腰....黑仔

信心減了一點,餘下路程以安全車速行駛,唔落樓梯,安全地返歸...

12.4 大遊行

今日一早陪完屋企人,就與女友去了銅鑼灣趁墟,看看12.4大遊行的情況,影影相,見證一下歷史,其實我也不太明白這個政改方案的情況,而普選 我相信大多數人都希望的,但是前進是須要時間的,急不來,不要太過執著於07/08吧!

看著沒好氣,就去行行街,G.O.D的傢俱用品真係好靚,每樣都令我愛不惜手,再去osim 坐按摩椅運吉,好舒服啊~哈哈

充實的一天

今個禮拜天,清晨五點半就起床了,食完野就出發到天水圍跑nike 10km,甜心咁早都陪我一齊去,重幫我咩背囊tim,真係抵錫,而我就抬住架三十磅單車一路行做熱身,去到天水圍都無晒力了,蔥蔥地搵到mm放底單車,筋都無拉就起步了,跑呀跑,見到好多身型很fit 的hot girl 啊…讚!!!唔記得帶錶,無時間睇,最後我選擇了兩個鬼妹差唔多speed 的跟住跑,好舒服…中途遇見很多熟悉的面孔,回程時風比較大,不斷地搵人在我前面擋風,輕鬆完成10km,時間55min,好慢…

之後去食早餐,好好味的米線!!食完送甜心搭車,跟住就同銀,m 開始我們單車之旅了,我地先由天水圍踩去元朗>屯門>良景>happy together青山操炮區>無敵海景白泥>尖鼻咀>南生圍>元朗球場join giant bike club>大棠>夜踩半環塘>黃金海岸,坐底後成個人散晒…..

間露天餐廳好大風….好凍
我地giant bike club 個zone,拉晒banner 咁,又有高層黎,好似好大場面咁,有d 商業味,真佩服佢地可以咁樣搞。
食完野就玩遊戲,場中有步單車機,比我地踩鬥遠,散散地的我求其踩踩就算了,很累…跟住就有armstrong poster 派,唔錯,我偶像!
萬眾期待的抽獎時間到了!!好豐富的獎品呀~登登~~
好幸運地,我抽到大獎,名貴giant cap 帽一頂………
其他車友則無咁lucky 了,抽到精美giant 原子筆一支…. 吹脹

十一點多散場,call van 出荃灣再搭mtr,一時多回到家,看來明天要sickleave 了。

甜

今晚去了跟她興祝生日,在又一城exp 吃晚飯,再山長水遠走到太平山上看夜景,山上很凍,我們好像去錯了地方。
摟著妳,彷彿是世上最幸福的人了,充滿溫暖...

很懷念你那蜜桃味啊~很甜,下次想再試下!!!haha

西貢東一日遊

 

好耐無行山了,今日就同terry gary去左行短咀,
是日路線：
北潭au>赤徑>大浪坳>南蛇坳>大灣>咸田>赤徑>北潭au
天氣比我想像中炎熱,行到無乜feel, gary 行到南蛇坳已經氣力不繼了,無奈…
唯有縮短行程啦…..直出大灣算數…..
等待gary途中,在大灣旁佈滿軟草的小山岡上睡了一會,聽著風聲海浪聲,心裡充滿寧靜與幸福的感覺~
幾經辛苦五時多終於行到水清沙幼的大灣,望著大浪拍岸…
與terry 決定解除束縛,咱們衝浪去吧!!撲呀撲~好好玩,哈哈!!
隨著太陽的落下,我們都帶著疲憊的身軀離開…
七時多回到北潭au,好肚餓…緊接下埸去鑽石山找女友食飯,很充實開心的一天啊!!!

回家在地鐵裡得知今朝海下單車比賽有個車手比小巴撞死左,聽完覺得好憤怒同可惜...
d 小巴佬真係無人性咖,自己作為一個經常踩單車既人,亦心明香港司機對我地踩單車既非常之不有善,點解要咁呢,我地做運動之嘛,唔通做運動都有錯?! 

george wedding

 

今日好開心咁同stanley, cathy 去睇george 既婚禮,去到聖彼德堂,一入到門口就見到新郎哥,好有型既白馬王子look,哈。
響呢個神聖既地方,婚禮進行了一個小時多,每一幕都係咁動人同令我為佢地感到開心,最感動係佐治深情獨白時間,聽到我眼濕濕。
唔知幾時到我有呢一日呢? 

心跳

今天整天都想從心裡笑出來~什麼事都不再重要了~

昨晚先去尖沙咀很美味的沙嗲,再到人影都無隻既西九龍海濱長廊過二人世界。

很開心昨晚能牽著你的手,
半夜你可愛的臉兒仍不斷出現在我心裡,弄得我睡不著,
我會記著屬於我們兩個人的昨夜。

休閒的一天

 

今早起來,昨晚炒傷的大腿行一步痛一步,近來經常受傷,看來要休一休了.
下午與她去看了黑社會，進場有人先比人查身份證…哈哈
呢套片拍得係算好睇,美中不足係從故事上黎講,根本唔夠用黎拍一套電影…做一套電影既中途一幕就差唔多。
無印士多啤利朱古力好好味^^
吃過仙跡岩難食的野菌飯後…我們就去尖沙咀睇海盜船,很有中古感覺既一架木帆船,好靚~
原想一登影影相,可惜原來早已派晒飛…惟有望船輕歎
我們再在尖咀在逛逛就走了。

剩下的我就要去迎接晚上令人傷感的最後的晚餐… 

港島xc

 

第二次跟giant bike club的車友一行廿多人夜踩港島xc, 山頂出發一開波就壞了頭燈,幸好有阿beck幫忙,借了他的頭燈給我；唔夠光,因此不能去得咁盡,cup了一次車,如果無帶pad真係腳都斷…最後happy together 路段,幸好又有阿tom 的大光燈在後照著,才能夠來一場盡興的追逐戰,係咁追餅 每個角位都劈盡壓入彎先不致被team a 的強勁的隊友放甩,crazy 了一晚,好爽啊~ xDDD 

元荃古道單車行

 
 
放下心情,今日跟周老闆黎一轉happy together,報告大家,感覺良好!!
大清早響將軍澳上車,大帽山下車,等埋銀仔mm,一行廿幾人浩浩蕩蕩出發,經元荃古道,還有很多刺激的山路,興奮既我挑戰左好多險位,技術又進一步了,真係越黎越喪,炒左幾次車...傷左少少

有咁多前輩睇住,今日成日都比人叫小朋友...哈

講多無謂
photo of the day:http://community.webshots.com/album/483703337qqMIej

痛苦

離別的痛苦,最令人感傷...
這個星期,就從傷心中渡過...心從未如此痛過...
午夜夢迥,還是從心裡痛出來...
第二天在人前又要裝作沒事...真艱難的考驗啊

本身相信凡事也是好事,這是事件讓我學到什麼呢?

心亂如麻

昨天早上與m,銀去了清水灣釣魚翁mtb,充滿煙霞的空氣真令人玩得份外吃力,因為有約...蔥蔥行了一轉就走了,回家後氣管很辛苦...吃奶的力也沒有了,這種天氣真是我的死對頭,睡了一小時,好了點。

晚上,約了女孩子一起看電影親切的金子,這個復仇三部曲最終回,復仇意識無前作原罪犯咁強,但仍覺恐怖,李英愛演技唔錯,暴力,性,加上黑色幽默,沒有令我失望!

看完吃過晚飯就回家了,原本很想送她返家的,但太累了,還是下次吧~
你的笑容真是很可愛啊~:D

開心完返到家...有點家事要煩...真是很煩...現在心情在低谷中

重陽節登高去

今日又出動!配備埋我既新玩具!心跳錶~

出發前收到小超通知,佢又要放飛機了,次次都係咁,預左啦!

3點幾響灣仔等埋銀仔就出發,經花園道踩上太平山頂,不消一個鐘,搭車都係差唔多時間啦,哈。

山頂上真係人山人海,好熱鬧呀!

補給完就落貝路道進入港島徑,d 山路又闊又順,我地keep 住高速前進,進入金夫人馳馬徑,其後join埋一班大叔再進入金督馳馬徑,其中一個叔叔係做演員咖,好熟面口；入夜後沿畢拉山道而上,真係比佢地扯爆...0個段時間心跳上到200,差d 爆錶...薑真係老既辣

入到山好lu,車尾燈都見唔倒,無晒面...哈
最後同銀仔慢慢踩落返則魚涌完成旅程!yeah!

環島單車

 

九月三十日晚與朋友踩單車環島一周,此照片拍攝於大潭水塘 

安全唔安全

這個下午,我走進seven,去到這樣東西的貨架前,真係好花多眼亂!那種牌子好一點呢,我細心選擇著,最後想起朋友說蛇仔牌的感覺很好,嗯...就這個,再加上杜記啦,顏色好像不錯。結帳十元也不用,我盤算著有這麼便宜嗎?
突然有人叫我：仔仔,起身啦,七點鐘啦,張開眼...原來只是造夢

哈,我竟然在夢中去買避孕套...為什麼呢?
這陣子的性教育廣告真好,令我造夢也想著要安全。

不自私的互聯網

今天給我發現了這個：

http://zh.wikipedia.org/

多偉大的意念啊!

現實世界如此也好,我們是否應當要學會分享?

chi sin

三號波...好悶呀...做d 咩好呢

於是去左踩mountain bike,同成成先黎一轉龍脊,同成成交換車踩,比架軟架佢踩下引誘下佢先,好大風...吹到人都癲,落到土地灣join綸子,三條友再向大浪灣進發,落石澳道迎著風而行,踩得份外吃力,點解落斜都咁辛苦咖!到大浪灣,巨浪一個個撲上沙灘,每個至少三四米高,好嚇人,浪花好似雨一樣散落於沙灘,真係令人好興奮呀!

欣賞完轉戰到石澳,浪比較細了,但依好然好嚇人,有好多人在沖浪,最後我們三人都落海游水了,哈哈,好好玩,玩到樂此不疲,重嫌人地d 浪唔夠大tim,睇黎我地都就痴線咖啦...玩到綸子覺夠皮就踩單車去大頭洲再賞浪,玩玩樓梯,回程踩石澳道回西灣河食飯,又一充實的crazy trip,期待下一個crazytrip 的日子啦。

photo of the day
http://community.webshots.com/album/459704603YIZXsa

新車出閘了

出左部nrs,終於升級完成,朋友號榮休了,會將佢轉做roadbike

星期一第一次試車,與車友在水浪窩集合,先踩入榕樹澳,一開ball就有意外發生了,兩個人退出。
到榕樹澳再與第二班車友集合,開始抬車上山,由天梯向嶂上前進,抬足四十五分鐘,好攞命,抬到想嘔,
好在有伸手助人協會幫手,抬我架車上山頂,先能夠繼續。

在山頂越過重重泥漿,去到嶂上,即刻補給先,飲左好好味既冰凍山水豆漿,抖左幾個字就再起程,
由嶂上郊遊徑向海下落山,呢條路難度都唔低,係咁衝落去,落左好多樓梯,前後避震車真係好舒服,
落樓梯好穩定,無咁易炒車,如果以前的朋友號,我一早落車推了,落左唔知幾耐,去到海下路。

轉onroad 踩一段斜路,再衝落海下,爽呀~

食完lauch,上去踩蛇石au 過深涌,中途睇表演,差唔多45度斜四五米高既樓梯,到底係條澗,
重係即刻向右轉,完全無緩衝位,失手直飛落澗,d 車友都照衝落去...睇到呆左
之後返到榕樹澳去車友屋企開餐,重有得洗車tim,好一個豪華冒險團,正!!!

希望ne人們快d 升級,可以一齊踩呢d 更激既路線啦~

病左

臨比賽前兩日，唔知係唔係比同事傳染左d 傷風咳過我，搞到我鼻水長流...真係嬲呀!
病就唔好返工啦~我龍體好怜貴咖!!

星期日頂硬上照去淺水灣玩水陸兩項鐵人賽，出發前個人都呆呆地咁..頭腦唔多清醒
唔去唔知道原來係有咁多靚女玩三項既,好fit既型男都唔少，d 肌肉線條好靚，一排排吉百列排響前腹度，我第時都要操到咁樣先!

賽程係先游五百米，上水再跑五公里；游水出唔倒全力，慢過alan 要同iz一齊上水，轉項時神志不清手忙腳亂，搞到iz走左成三十秒以上我先走倒，開始跑步，體力直線下降，比銀仔過埋...最後43分幾完成..失望

賽後成成terry join埋我們，再去行澗，行紫潭711，最近只踩mtb的我們，都忘記了澗點行了，行到成個新手咁，下晝越晏空氣越差，香港多了幾個東亞病夫，咳到我地死...香港d 空氣完全唔係人可以承受的!

又一日

又過了沈悶既一日了,真係好難頂...做野一條友..
食飯又一條友...返工好似玩自閉咁~

放工好好發洩一下,跑步返屋企,爽呀!!

第三天

轉眼間,已經第三天上新工了,這裡給我的印象不太好,除了老師以外的同事,實在太懶了,比以往官校官僚制度下的員工更甚,看著他們...心裡暗叫：「唔係呀,咁都得?!」相比已經很散漫的在下,也比不上。

換個角度,好處還是有的,就是非常休閒,用來當作風流工也不錯,星期天去玩,星期一就回校休息,未嘗不是神仙的生活呢~

肚痾....

呀...好肚痛呀...兩日內痾左八九次都有....
個人散散地...無乜力

好充實呀

今日過得好充實同開心,一定要記底佢!

踩單車

一早先去河背水塘踩mtb,呢條單車徑真係刺激好玩,踩住我既一點零,七百蚊一架車,但竟然快過人地幾萬蚊架車,心裡有點兒得意,又再證明,人先係問題!!一個人強的話,用乜車都係強既。
踩完downhill 路,去環塘,突然聽到拍一聲...原來斷左鏈...慘,要回頭,最後遇到一班前輩打救了我，出門遇貴人。

太陽計劃2005
踩完車趕出去同小超睇太陽計劃2005show,到場見倒我好喜歡既dj李志剛做mc,坐在貴賓席,與舞台近在咫尺,睇得好清楚,欣賞了多個歌手表演,以下以評分表列出：

許志安:一般,不嬲對佢無乜好感
韓紅:完美的聲線,好好聽
達成一塊:我的最愛,明歌夠有型,劉以達夠可愛
kenny:可以不理,去toilet 時間
張敬軒:OK
容祖兒:一般...有四個女dancer 陪佢跳舞,好索!流晒鼻血...
何韻詩:唔明佢點解咁紅...toilet 時間
郭富城:熱唱勁舞,開始諗緊下次佢開SHOW要去睇
梁詠琪:改左形象,好火辣,完全改觀
eason:浮誇...真係幾浮誇
deep:肥仔咪咀跳勁舞
李克勤:一貫水準

新工

一兩星期前還在擔心自己的前途,害怕工作不知到何時才找到。
沒想到現在一來就有幾份工叫自己面試,其中一間已經聘用了我,但我還在三心兩意,因為請我去面試的工作有一些待遇是更好的,但如果放棄了已聘用我的這一份工,天知到待遇更好的那些一定會請我嗎?
真令人煩惱啊...

大城急湍

早前拿冠軍得到了teva 的coupon,於是購買了一對各方好評的行澗涼鞋,等了又等,終於有機會試用了。
今日即興就約了terry 一起到城門水塘行草城石澗,在草城石澗灰橋下望,水流很急...水位高得有點嚇人,放棄...
轉到大城石澗去,於中下游入澗,嘩...好玩!大城急湍就在眼前,看來全身盡濕難免,我穿上保暖衣預備;平時簡單易行的大城今日變成了猛虎,很多原本外露石頭都淹沒了,一個又一個的難關阻擋著我們兩個傻人前進,很多位置都變成致命之井,自命澗神的我都要出盡畢生之技巧才能通過,過大鳥石後天色開始昏暗,還下起大雨來,使難度進一步提高,最後搏鬥了四個多小時終於找到一條出路,折回山徑,成功全身而退!
很久沒有一條澗能令我恐懼了,今天終於遇到~
what are wonderful trip~~~
teva 澗鞋的用後評分：
0分,他使我freefall 了至少三次,幸好都只是落在水中,6百多元的鞋=垃圾

好消息

今日去見工，這是我第一份嘗試自薦既工，去到同兩個主任傾左好耐...
知道佢地想要一個萬能人。
講講下講到待遇問題，我有我要求啦，之後就中其中一位主任就答，我地好多助理都係有學位既，但都係收緊七千蚊人工...
我心諗...唔係呀~扣埋mpf 得返幾多呀，依家大學生都重要做d咁既工咩?!

見完工後，打比阿妹，知道佢搵倒中六了，原校升，真係替佢高興呀，唔洗步阿哥後塵，希望佢生性啦，好好咁上埋大學。

會考

開著電視睇新聞，一年一度既科舉制度又到時候出成績啦，影住d中五生四圍撲，夠分都怕無書讀，好不幸，今年我個妹都係其中一員，失敗的教育制度，又一次要傷盡萬千會考生的心。

last day

終於唔駛返工了，進入待業既日子，呢段時間我要睇好多好多既書，實行定下了好耐既好多好多既計劃，因為財赤，還要體驗苦行憎既生活~我要好好享受這段時間。

生日快樂~

又大一年lu,一如平常同屋企人出街食飯慶祝

今年生日願望：

自己+屋企人身體健康
搵倒份有意義既新工
下一個生日有女友陪我渡過
黎緊呢年玩得更癲!

兩個傻佬

大雨滂沱，任由狗屎打在身上，伴著我的只有雨聲與單車，眼前濛朧一片，突然殺出一輛巴士，地上的水猶如一道浪撲來，混沌的腦袋清醒了一下，繼續前進，狂風開始進襲，車子也吹得左搖右擺，幾經辛苦終於到達西貢會合朋友，大家都笑了，我們都是傻的。

送別

今日係我地李鄭屋ta 們 最後一日齊人既日子了,george 兄都返黎同我地一齊食lauch,加埋阿輝,食完飯,與cathy 同mandy 道別,有d 唔捨得,希望我們將來可以keep 住做朋友啦~

港男

睇完無記既港男選舉，幾搞笑，d 港男質素就一般啦；唔睇唔知原來男仔識彈鋼琴係咁殺食既，我都要練返放底已久既鋼琴先，操返一兩隻飲歌黎哄哄女仔都好~哈

貫切我平時愛挑戰既精神，就以李斯特既 LA CAMPANELLA黎 做目標啦!

摺埋

學校都快要結束了，開始進入倒數，呢排返工日日都唔知為乜咁...

這一兩個星期，成日一早同cathy 去游早水，真係開心；游完個人成日都醒神晒，加心情靚靚
再過多一個星期，就無人可以陪我咁玩lu...唉

另外都開始積極計劃我既進修大計，唔想再浪費時間啦，依家可能會報左個體適能課程先，始終搵d 同興趣有關既course 會比較有決心。

搵工又要煩，其實我自己想做乜呢?我自己都唔太知

比賽過後

炎炎的夏日裡，響受了美炒的比賽過程，在各個比賽的 cp 裡，熱切的感受到ne團隊的團結，真是很感動，多謝他們啊!沒有他們的，得到獎盃也是徒然。

拿到冠軍了，意料中事，早說過勝利是一定的~

但開心又說不上，只是第一隊的朋友被取消資格，我們才補上拿到第一。
我心中要的是壓倒的勝利。

現在比賽結束了，餘下的是熱烈的討論，談論他們值不值得贏，誰誰有出貓。
依我說，多講無益，期待下一場actionasia碰頭，我要他們輸得心服口服!

無題

我的心開始呼喊.....叫喚我了

煩惱的事又再來了...竟然對她開始有好感，我應該隨心而行，不顧一切嗎?
不想再拖了

香港的天氣

一早起床,好好天呀
回到學校,好大雨呀
放工,好好天呀
預備好出發踩單車,好大雨呀,無得去!
下午,好好天呀!!

如是者,幾次,最終與朋友一起去了獅子山,觀音山,飛鵝山踩單車,發洩了幾天的鬱悶,暫時忘記煩惱

怎樣習慣快快樂樂!

好文章分享
http://www.simonchau.hk/Chinese_B5/worldview/UrHappy.htm

雨一直下

兩星期...足足兩星期了
雨依然一直下，心情都一直down下去
但心裡的fire 依然熾熱，希望能夠維持啦!

人生計劃

今天沒有像平日一樣去了做運動,我選擇了在家為自己計劃將來,思考了半天,總算得出個結果來。
就先來個五年計劃啦,坐言起行,五年計劃始動!!

high 的一夜

張震嶽的樂與怒,把我的耳膜都快震破了,幸好有些慢歌可以竭息一下,
全埸觀眾都high 得站起來跳舞,good show ~~

反思

經過星期六日馬不停蹄的玩樂後,見過不同的人。
夜深裡在尖沙咀獨自踏單車回家,迷幻的街燈下,寧靜的街道上,我開始反思~

係時候發力啦,為我既將來!

我要將來人人都記得我!睇住黎啦~

炒車受傷

今日下晝四點開始同成成踩去天水圍,落西貢終於破左我既hasa 紀錄,72km/h
之後去到馬鞍山就大炒左....成個右邊身擦傷晒...死....下個星期重要比賽....
食完飯經料理後好返少少,慢慢踩入天水圍,經林錦公路 大落斜...
原來林錦d 大落斜咁勁,唔怪之得d 人話一炒就死緊,拖住落都破晒之前紀錄...65km/h
brake到跣晒軚先收倒,差d 又炒...
幾經辛苦終於完成旅程....

大假後

放完三日大假,一日去左長洲,一日去清水灣游水,一日行街,玩完幾日,心情竟然差了..
唔係幾好老皮。
學校既工作開始繁忙了,同事一個個走,真是有點意興闌珊...

今日買左下星期去澳門比賽既船飛,原來係咁貴既...
希望今次可以玩得開開心心啦 :D

熄電視

英 國 詩 人 艾 略 特 （ TS Eliot ） 說 過 ： 「 電 視 是 一 種 讓 幾 百 萬 人 同 時 聽 一 個 笑 話 ， 但 依 然 孤 獨 的 一 種 娛 樂 媒 體 。 」

有時聽到朋友為左電視節目唔出街，或者趕返屋企都會覺得很可笑，竟然對d 死物動情....
原來外國都有個團體發起運動叫人唔好睇電視，真係好arm d 電視精借鏡呀
turn off TV,turn on life~~


http://tvturnoff.org/index.html

平淡

好耐無上黎寫野啦,等我紓發下先.

今日心如止水，心內有說不出的感覺，好似好悶咁...但一方面又有平淡是福既感覺，究竟點解呢

最近又開始對平日既生活有d 厭...究竟點先可以為自己帶黎新既衝擊呢?

大家可有高見?

歸來

十天台灣之旅，環了台灣島一片，體驗了很多，深切地感受到地兩地文化差異，回到香港，又要努力工作了，籌集下次旅行的旅費了。

出發~~十日台灣之旅

聽日就出發lu,好緊張呀~
今次十天,飲飲食食,四周打獵之餘,我地重會踏足三個國家公園,環台灣一圈,希望今次有個難忘既體驗啦。
go go go~

念

曾告訴過自己要對她死心.....但卻又做不到
這幾天又再單思了，記起她的生日將至；我真是個該死的痴情漢子，街上這麼多的女孩都比不上她嗎?

傷

跑完個全馬之後,好似乜野傷都出晒黎,先傷左足踝,痛左幾日;之後到今日無啦啦四頭肌抽筋...真係不明所以呀

天氣

變幻不定既天氣真係令人厭煩,原本以為重回最喜愛既夏天啦,點知又要凍多幾日
呢個世界係唔係就黎玩完呢?越黎越多衰野響眼前顯現
總覺得會響有生之年會見到世界末日

全馬倒數 (兩天)

星期日就係渣打馬拉松比賽了,呢個星期每日都狂食,儲多d 能量,等禮拜日爆出黎，好期待呀!!!

koth

koth-king of the hill,一個好型既名,亦係一個好甘既比賽.

今次我參加左half 既賽程,21km.響深井大欖郊野公園裡面跑.
重有另外一組 full ,38km.

跑 呀跑,頭段幾k引水道,之後入山,跟住小超尾跑,我既背患又黎啦....真係好痛好辛苦,迫住慢左落黎,係咁比人過,中途見倒小帥整親響度抖緊,跑到荃 錦附近有段好斜既上山,上到我頭都暈..好肚餓..中途不斷有後上既鼓勵我,都應該有d 幫助0既...上返馬路,有水站,成支能量飲料一飲而盡,慢慢落山...抽筋..
拉完慢慢行...比兩個人過左,之後就好似自己跑咁lu,四圍都 無乜人,在林間裡跑,有一種好寧靜既感覺,好自由,好舒服~ 到尾段,有後來者追上我了,一眼就認得佢,阿neil ,以前曾經去過佢屋企坐既,不過睇怕佢都唔認得我,真係跑得好快,我竟然比個跑full 既人追倒,真係....

再跑半小時就到終點了,成績3:51 ,組別名次 29th, 對我黎講算ok 啦~
相

死人的士佬

今晚睇完男模大賽,踩車落油塘拎d 野比人,極速咁沿馬路衝落去,遠處有架的士停響路邊,當我就埋到去時,架的士竟然開車180度轉灣阻住條馬路,反應快一閃,差幾cm 就撞埋去了......都唔知點揸車咖

好想丙條的士司機

新年

今個新年好平淡...
冇有去年的哪麼多節目,冇去行山,冇周圍去,只係去了睇賀歲片魔間行者,好一套反吸煙片,幾搞笑.
雞年的我希望自己能夠成熟一點,玩多一點,開心一點.

獅子山自遊行

近兩星期受傷患困擾,屈左好耐了...
原先今日想去健行pretrip,不過一起身見咁大霧,去到pre 乜丫,路都睇唔倒,訓覺好過.
上半晝休息,下晝同terry 去左行獅子山,由獅尾石馬條路上,行行下都唔知自己去左邊,
最後尾行左另一條不知名路去到獅尾脊,去到獅頭都係兩點幾,於是加料行左去九龍水塘.

今日行山初時背脊都有痛,但係行行下又好返d,希望快d 康復啦!

左右做人難

其實我係唔係太好人呢,對好多人,我都會唔理他人既睇法,就算佢係一個犯眾曾,我都會嘗試去發掘佢既優點,問題就來了,有d 人真係有佢既特長,但係有d 人同佢交流左之後,發現原來真係幾難頂.....
但呢d 人又當左你係朋友wo,我又唔想hurt 人,到頭來辛苦了自己

我應該點做呢?

費時的一天

話說今天病了,請了一天病假,一早起來就到附近輪街症,到現場時已經人山人海,還是下午再來排隊。十二時多出發再去診所,又是人山人海....真是這麼多 人病嗎?好吧...就排隊等等,希望運氣好能夠有掛號,大半小時後派籌了,派到自己之前幾個就沒籌了,怎麼會如此當黑,這天花了幾小時上上落落,浪費了時 間,到頭來得場空,難度窮人就要這樣嗎?
乘車到第二間診所,又是同樣情況,這次好運了一點,我拿到最後的幾個籌,大半天就是在排隊中渡過.....

我將來一定不要做窮人!

MTV

有時一隻歌未必好聽,但係個music video 拍得好都會好hit~
呢個網頁就雲集左好多絕佳既MV
http://www.submarinechannel.com/content/pause/musicvideos/mainMusicVideos.html

激攀 牛樟

兩個多月無行澗了,今日有d 身痕,選了一條高難度既澗黎行,係位於馬鞍山既牛樟石澗。

在樟木頭入澗,呢條澗都幾乾水,行了30分鐘左 右,遇到第一塊壁,直到爬唔倒...澗傻成成試攀,結果freefall,轉行山路而上,行不久第二塊壁, 生晒青苔...點攀呀...澗聖綸子上攀,成功再落繩比我地,比佢攞左頭彩tim,之後再攀越一兩塊壁,去到一度,眼前係一overhead 既壁,哈哈~重唔到我攞彩~~

等我黎啦,我上,手腳有d生疏,攀到一半...原來真係好難...差d 想放棄freefall 落去,最後都撐得住,上倒頂,再落繩比大家,yeah~~

其後再有一兩塊壁就開始更困難既路段了,我地沿住接近70度既草坡直炒上山頂,因為中途miss 左d 路標,搞到亂咁上,一時攀左一時攀右,
回頭一望,風景好靚,就這樣爬了唔知幾耐,見返路標,上返牛押山,脫險~


這次旅程,隊友們都得到刺激好玩既一天,今次又成功帶比大家想call 直昇機既感覺,
我既澗神地位再次被肯定~~ :D

photo of the trip
http://community.webshots.com/album/253056875vHyMHI

假期後散漫症候群

新年以來，原先定立了目標都掉到腦後了
生活過得一天比一天散漫，每天都作白日夢想著下個長假要到那裡旅行

現在計劃了三月去婆羅洲一遊，希望今次能夠成行吧!

操練

自聖誕節以黎,好耐無操練過了,距離渣打馬拉松的時間都近了,於是今日一放工就的起心肝去練跑.
由藍田跑去將軍澳再回程,跑得尚算輕鬆,我要加把勁了!

basketball game 

籃球比賽

參加左教統局既籃球比賽,同d同事柴娃娃一齊去左玩,今日打第一場,大獲全勝! Yeah~
下場會對功樂,上屆季軍.

功夫

終於去睇左我失落了的功夫,今次周星馳用左好多經典電影既元素響裡面,好多場景都熟口熟面,拍得無劇情,誇張,又簡單~~ 幾無聊,不過我鐘意 :D 醬爆響裡面真係好搞笑,令我過了一個得啖笑的夜晚。

新世界

原來博客的世界係咁大既,我今次真係後知後覺
各位朋友,你地都登記返個黎玩啦!!