世界盃足球戰報

四年一度既世界盃,又到捱夜的時間,睇左頭兩日部份賽事已經令到我精神恍惚...真難想像廿幾日會點過

德國 對 哥斯達黎加 4:2
德國前面攻擊強勁,但後防錯漏百出,對住弱旅都要失兩球真係危....

英格蘭 對 巴拉圭 1:0
英格蘭行好運先可以獲勝,中場線牌面係唔錯,但好人可惜攻勢唔到肉,下半場比人搶返唔少攻勢,悶波一場.奧雲缺態,希望下場朗尼復出可以好睇d.

瑞典 對 千里達 0:0
有點攻防戰的味道,千里達頑抗下差點爆冷成功,下半場十人應戰都唔覺處於下下風,暫時最好睇係呢場.約基轉打中堅係有d料到,有新意!

荷蘭 對 塞爾維亞和黑山 1:0
賽前對荷蘭懷好大希望,點知得上半場有少少睇頭,下半場...悶波
荷蘭前線太著重洛賓,得佢一個響前線哨,好快扯乾,下半場更加比人睇通晒,雲尼斯達來得唔倒傳送,交唔倒功課.