病左

臨比賽前兩日，唔知係唔係比同事傳染左d 傷風咳過我，搞到我鼻水長流...真係嬲呀!
病就唔好返工啦~我龍體好怜貴咖!!

星期日頂硬上照去淺水灣玩水陸兩項鐵人賽，出發前個人都呆呆地咁..頭腦唔多清醒
唔去唔知道原來係有咁多靚女玩三項既,好fit既型男都唔少，d 肌肉線條好靚，一排排吉百列排響前腹度，我第時都要操到咁樣先!

賽程係先游五百米，上水再跑五公里；游水出唔倒全力，慢過alan 要同iz一齊上水，轉項時神志不清手忙腳亂，搞到iz走左成三十秒以上我先走倒，開始跑步，體力直線下降，比銀仔過埋...最後43分幾完成..失望

賽後成成terry join埋我們，再去行澗，行紫潭711，最近只踩mtb的我們，都忘記了澗點行了，行到成個新手咁，下晝越晏空氣越差，香港多了幾個東亞病夫，咳到我地死...香港d 空氣完全唔係人可以承受的!