李察 問到底: 何謂「天人合一」？

李察 問到底: 何謂「天人合一」？

這篇令我很有感悟!

幻得幻失

依家好似一架車...無晒油行咁...停響路邊奄奄一息...
係我選擇唔去入油既....點解...要咁... :'(

係內疚定係做錯左...

食蟑螂的.....

在這個休閒既周末,我帶著悠閒的心情,正在綁上鞋帶,準備出門到美心大酒樓嘆嘆茶,食籠蝦蛟既時候,突然傳來一聲驚叫。
阿哥,你睇下個廁所既天花板有d乜野響度?!
我除下鞋,走回去看看。望上天花板,見到有一個巨形黑色物體,前端有兩條野不斷在動。
丫!!!有外敵入浸呀!!!說時,我的毛髮已經直豎…竟然…竟然係在我們家已經絕跡幾年既蟑螂,而這一隻,重要係美國種…嘩…真係好大隻!
作為大哥,當然要強作鎮定,驚恐既我,急忙拿出我既兵器,噴花既水壺,出動啦!我用上最大既力度,用水力同呢隻怪物搏鬥,鳴槍數響,但佢依然不為所動,實在係太頑強,於是我就引用孫子兵法,再向佢既弱點攻擊,這一輪攻勢終於奏效,佢終於跌左落地啦!我得勢不饒蟑螂,但佢又真係跑得很快,又躲到牆壁的另一角落在喘息。嗯…係時候啦!
拉閘放狗,唔係…係拉閘放龜,我一手拿起最活躍既中龜,命令佢進行總攻擊,佢好聽話,努力地追捕呢隻蟑螂,但係速度上有一點兒追唔上…看起來,需要我既支援,噴水壺又再出動充當阻擊手,經三百回後,我既中龜終於不負所托,一口咬著敵人的頭,完成左這個艱鉅既任務。
佢飛快地跑回巢穴,與佢既丈夫小龜分甘同味。
很滿意!我們收隊,嘆茶去!

月記

轉眼間又成個月無寫了...因為掛住玩facebook...

今個月去睇了,jason mraz , 重有盧廣仲 既 演唱會.
jason mraz....自己一個人去睇...無乜feel
盧廣仲,good show!!! 海豚音好勁呀!!估唔到佢除左歌好聽之外,個人都係咁率直可愛.

生活...巧悶悶...好想轉變下

情人節...

一年一度既情人節到了,這是我們過的第四個情人節!
收倒女友既禮物,今年總算有驚喜!竟然係小王子電話繩,實在太喜歡了!
而佢既禮物就係好實際既19寸電腦mon.....佢睇黎幾鐘意呢~
情人節當天,下午去了馬灣公園...在中環坐往珀麗灣的船去,落船後就跟著人群走向公園的方向.
天下著細雨...有點狼狽....但在公園裡的情侶們又怎會被這些天氣影響呢,公園裡的設計很適合行婚禮呢,環境優美,到處都是一對對的情侶...令我諗起早前電視節目,國家地理頻道拍攝的企鵝...
還有附近的挪亞方舟未開放。設施全部開放後應該會是一個拍拖勝地來的!
我們留到六時多就走了。

馬拉松

一年一度馬拉松又黎啦...依然係全馬!
今年得自己一個人,去到場...自己做熱身,跑黎跑去...中途撞倒eddie 同 issac ,聊了幾句。
就獨自上路了,今年我保持住跑,一路都唔行,情況唔錯,到汀九橋重撞倒舊同事阿關,士氣大振呀!
之前比我過完的人,比我過返唔少,直到最後比pacer 過了...眼見佢地遠去...
自己對腳又唔生性,都係坐底等車算... 時間係3:48 , 26-28km 左右啦...

坐車返維園,與女友會合,之後返屋企,有私人按摩師同我舒緩下...真係嘆...

下年跑返半馬~

牛年

牛年到啦!係時候為舊年做一個總結!
去年...係我一生中其中一個最好既時光。
呢一年...我學識左好多野,體驗亦多了。特別係響愛情路上。
人大左...終於明白到生命中出現既好多人都係過客黎,自己要接受客人始終都係會走呢個事實。
本身自己都好珍惜身邊既朋友,但現實係以前同你arm 玩既人,唔代表今年出年都會同你一齊。現在想約d 朋友行個澗都好難。
但我地晨光第一線日出團基本成員又真係幾長情wo...

事業上:識我既人都應該知我不嬲既取向...今年仍然係停滯不前...太失敗了,我要做好d,認真d!!
嗜好上:膽子細了,定係成熟左呢?! 好難約人呀...

覺得自己要改善既:
1.要承擔責任,唔好成日搵籍口
2.唔好成日得個諗字,講字..

2009!!

這blog 封塵了數星期了,來到新的一年怎樣也要先過一下文字欲!!
十二月尾與女友到菲律賓的保和島旅行,陽光與海灘,那裡的海灘真的太美了,住在海灘旁的小平房,每天起床行數十步就可以和海天融為一體,早上的海豚,還有珊瑚礁,輕輕一潛就能與很多色彩班爛的小魚同游,每天飲shake,對著那個海好像永遠不會厭的。
由於行程相當緊密,回港休息了多天才能回復呢...
轉眼又與朋友到浪茄灣作一年一度的除夕迎日出活動,忍受著寒風,我們在浪茄灣雪白的沙上起營,三五知已,圍著火打邊爐,把酒淡心,第二天早上起床迎接新一年的日出,一樂也。
這種活動我覺得比在鬧市倒數有意義得多呢~

慢活

最近在工作的時候,聽到一個小朋友問一個泰國人家長一條問題。你喜歡香港還是泰國?
她的答案是泰國,原因是那兒的生活比較寫意。但何謂寫意呢? 她的意思是生活節奏比較慢,不像香港這樣生活繁忙。

這個答案令我反思了一陣子;我們在香港,什麼都要快,效率高,其實這樣做又為了誰?

這幾天真的很忙,一來是工作上的,二來是自己給自己的。在下有閱讀的習慣,相信開卷有益,久而久之可能成癮了...
不單止書本,報紙專欄也有追看很多個,來作個紀錄:
施永清,黃毅力,張士佳,林行止,練乙錚,曹仁超,羅家聰,羅耕,信報社評,張立,張五常,畢老林,簡卓峰,顧小培等等...

還有很多BLOG,及FORUM 上的高人專區未計....

現在自省,雖云開卷有益,但始終要留一些思考時間給自己,要不然,只會成為一隻Copy Cat.

Kraftwerk Live in HK

呢隊德國電子音樂先驅,竟然黎香港LIVE,當然咪執輸要去潮聖啦!
你可能問,嘩...呢幾個叔叔黎咖WO...你咁老土咁OUT 咖?!

連Kraftwerk 都唔識....你先OUT 呀!!
開場先黎Man machine, 接著係tour de france.
比較喜歡的還有RadioActivity...配合背後的視覺效果,令我們更加投入.
去到We are Robot 時,四個成員竟然真係變左做ROBOT,好有驚喜.

Arena 今次音響真係做得唔錯...好過以往聽Linkin PARK, COLDPLAY.

去片

Kraftwerk Live in HK Opening from Tam Chit Hang on Vimeo.

沒有四肢的日子

相信大家都知道Nick Vajicic 這個一出生就沒有四肢的年青人吧,最近來港演講,風頭一時無倆,初頭自己還以為是教會的什麼把戲,有上過教會的都應該見過,有些講者分享自己的什麼見證,說到激動時聲淚俱下,這些我已經看膩了。
暫且放下宗教問題不談,上網看過他的片段後,覺得他的經歷實在太難想像,他可以生存到現在已經是奇蹟,而且好像還過得不錯,很值得大家學習!

珠珠生日

珠珠終於十八歲生日啦....今個生日既節目,為佢安排左,先去香港公園行下,影影相,原以為新相機到手可以試試機, 影下寫真...但可惜趕唔切丫部機. 去到香港公園見到好多人影結婚相,畢業相;呢日天氣好好,又溫暖,始終最愛都係和暖既天氣...冬天唔好咁快來就好.

到黃昏,我地步行去天星碼頭坐船到對岸尖沙咀,又係影相既時間,順道欣賞下海港城今年的聖誕主題裝飾,但同珠珠都認為上年個波波陣靚d,影完相去了海港城那一間甘麻布茶房吃晚飯,....以往黎呢間餐廳都很滿意,但這次實在係強差人意...Waiter又唔醒水...服務差,最過份係連自家出名的甜品都唔認識,上一個紅豆汁雪糕就當作是紅豆聖代....有點被人詐騙的感覺...

最後...希望珠珠隻耳仔快d好返啦,真係令人擔心.

三週年

不知不覺...同珠珠又一年了...今年第三年...但唔知點解重係好fresh咁...
一段感情其實真係要用心經營的,如果唔係就好難保鮮,希望每年都可以咁fresh 啦!:D
晚上同珠珠去了apm 食那一間新開的甘味,店裡的蕃茄湯烏冬好好味,但係等好耐先起菜...下次要試埋面屎湯烏冬先!
送左本馬仔日誌比珠珠,好在佢鐘意姐~

很忙的一星期

這個星期,學校來了一隊澳洲交流團,我負責拍攝的,當然要緊緊跟蹤,每天拍完片段,還要即時剪報,上載到youtube...實在忙得不可開交。
上星期六,胡里胡塗地跟女友就到九龍城,入了九龍寨城公園,即興又參加了一個導賞團,免費就有專家講解歷史背景,故事..園裡風景很美,這樣就消磨了一個下午,很美好!愛上了參加導賞團!!

左龍,黃龍石澗

珠珠做手術

我隻貓,終於做完手術啦,現在在家休養,希望你快D好返啦!!!^_^

10 Bullish Charts, Signals, Indicators

10 Bullish Charts, Signals, Indicators

好文,放響度分享下先!

大王

這個周四,上女友家裡,一嘗做一晚大王的滋味,甫入屋我就換過已預備的衣服,就倒頭睡過去了,一睡就是八時多,很舒服!然後就被喚醒吃晚點了。嗯...一麵一湯,看一遍,一塊肉也沒有,(朕其實是個半素食者),湯是 薯仔番茄鱈魚豆腐湯,麵是名貴的瑤柱 蟹肉伴面,龍體的肚子甚是滿意,填得滿滿的!
接下來還有下場,嘿嘿!

做得很好,朕要賞賜!!

人月兩團圓

剛過去的中秋節在家附近渡過,走上了家對面的那座小山崗,玩燈籠賞月,氣氛還不錯。之後送珠珠回家,差不多凌晨四時才睡;第二天到旺角替家妹買了一部eeepc,麻雀雖少,但五臟俱全啊。
最近驚覺人真的大了,朋友們各有各忙,志趣亦隨時間轉變,少了聚會,令到我心裡好像總是缺了點東西。
現在的自己有點兒無聊...很像周國平筆下的這篇文章。

點解

點解香港人咁自私自利,咁八卦,咁低級趣味,咁小見多怪,咁虛偽,咁唯恐天下不亂,咁一鍋風,咁可憐...(重有大把可以寫落去的)
其一原因,因為有蘋果日報囉!
今日行經報灘睇睇個頭版...丫...好大隻字既標題,兩成學生想死,真係嚇得我丫,呢份報紙真係不知所謂。在學校工作時,行經五年級班房,望見同學仔閱緊報,有蘋果啦,東方啦,太陽啦,真係好無奈,我地既將來社會棟樑,係睇呢D垃圾大。
好在...有信報...等我自已睇返D高質素報導,同專欄,醒晨返!