沒有四肢的日子

相信大家都知道Nick Vajicic 這個一出生就沒有四肢的年青人吧,最近來港演講,風頭一時無倆,初頭自己還以為是教會的什麼把戲,有上過教會的都應該見過,有些講者分享自己的什麼見證,說到激動時聲淚俱下,這些我已經看膩了。
暫且放下宗教問題不談,上網看過他的片段後,覺得他的經歷實在太難想像,他可以生存到現在已經是奇蹟,而且好像還過得不錯,很值得大家學習!

珠珠生日

珠珠終於十八歲生日啦....今個生日既節目,為佢安排左,先去香港公園行下,影影相,原以為新相機到手可以試試機, 影下寫真...但可惜趕唔切丫部機. 去到香港公園見到好多人影結婚相,畢業相;呢日天氣好好,又溫暖,始終最愛都係和暖既天氣...冬天唔好咁快來就好.

到黃昏,我地步行去天星碼頭坐船到對岸尖沙咀,又係影相既時間,順道欣賞下海港城今年的聖誕主題裝飾,但同珠珠都認為上年個波波陣靚d,影完相去了海港城那一間甘麻布茶房吃晚飯,....以往黎呢間餐廳都很滿意,但這次實在係強差人意...Waiter又唔醒水...服務差,最過份係連自家出名的甜品都唔認識,上一個紅豆汁雪糕就當作是紅豆聖代....有點被人詐騙的感覺...

最後...希望珠珠隻耳仔快d好返啦,真係令人擔心.

三週年

不知不覺...同珠珠又一年了...今年第三年...但唔知點解重係好fresh咁...
一段感情其實真係要用心經營的,如果唔係就好難保鮮,希望每年都可以咁fresh 啦!:D
晚上同珠珠去了apm 食那一間新開的甘味,店裡的蕃茄湯烏冬好好味,但係等好耐先起菜...下次要試埋面屎湯烏冬先!
送左本馬仔日誌比珠珠,好在佢鐘意姐~

很忙的一星期

這個星期,學校來了一隊澳洲交流團,我負責拍攝的,當然要緊緊跟蹤,每天拍完片段,還要即時剪報,上載到youtube...實在忙得不可開交。
上星期六,胡里胡塗地跟女友就到九龍城,入了九龍寨城公園,即興又參加了一個導賞團,免費就有專家講解歷史背景,故事..園裡風景很美,這樣就消磨了一個下午,很美好!愛上了參加導賞團!!

左龍,黃龍石澗

珠珠做手術

我隻貓,終於做完手術啦,現在在家休養,希望你快D好返啦!!!^_^

10 Bullish Charts, Signals, Indicators

10 Bullish Charts, Signals, Indicators

好文,放響度分享下先!

大王

這個周四,上女友家裡,一嘗做一晚大王的滋味,甫入屋我就換過已預備的衣服,就倒頭睡過去了,一睡就是八時多,很舒服!然後就被喚醒吃晚點了。嗯...一麵一湯,看一遍,一塊肉也沒有,(朕其實是個半素食者),湯是 薯仔番茄鱈魚豆腐湯,麵是名貴的瑤柱 蟹肉伴面,龍體的肚子甚是滿意,填得滿滿的!
接下來還有下場,嘿嘿!

做得很好,朕要賞賜!!

人月兩團圓

剛過去的中秋節在家附近渡過,走上了家對面的那座小山崗,玩燈籠賞月,氣氛還不錯。之後送珠珠回家,差不多凌晨四時才睡;第二天到旺角替家妹買了一部eeepc,麻雀雖少,但五臟俱全啊。
最近驚覺人真的大了,朋友們各有各忙,志趣亦隨時間轉變,少了聚會,令到我心裡好像總是缺了點東西。
現在的自己有點兒無聊...很像周國平筆下的這篇文章。

點解

點解香港人咁自私自利,咁八卦,咁低級趣味,咁小見多怪,咁虛偽,咁唯恐天下不亂,咁一鍋風,咁可憐...(重有大把可以寫落去的)
其一原因,因為有蘋果日報囉!
今日行經報灘睇睇個頭版...丫...好大隻字既標題,兩成學生想死,真係嚇得我丫,呢份報紙真係不知所謂。在學校工作時,行經五年級班房,望見同學仔閱緊報,有蘋果啦,東方啦,太陽啦,真係好無奈,我地既將來社會棟樑,係睇呢D垃圾大。
好在...有信報...等我自已睇返D高質素報導,同專欄,醒晨返!

週記一則

周六...烈日當空下去了mtb,比個阿伯叫左我兩次阿叔...
周日...拍拖日...去左沙田...但係唔知點解無乜mood,好down 咁...辛苦珠珠啦...晚上好返d,去元氣食野,個waiter竟然數少碟,實在太幸運啦!!哈

九月一日...學生開學既大日子,這意味住我既悠長假期結束了...
呢兩日...要返回早班...好唔習慣,連續兩日都遲到....-_-!!

NOW TV 08立法會選舉論壇九龍西 - 鍾港武及黃毓民

笑到碌地呀~~

京奧的我見

開幕式
當晚懷著沒什麼寄望的心情欣賞..但張大導為大家帶來的是驚喜…沒讓大家失望!
讚的我相信別人寫得夠多了,我來一點彈的!
四大發明作為主題,我們都看得明白,但外國人呢?
腳印煙花短片做假,與天藾之聲的假唱…都傷害了人民的感情…
運動員進場實在悶得發慌…尾聲李寧的最後一棒,有創意,但略兼太造作,難道中國人不能謙虛一點嗎?

中國的運動員
早兩天,在家收看中國女排對傳統勁旅古巴,頭兩局我們表現很好,隊員與球員們都意氣風發,笑容滿面,一副洋洋得意,豈料隨後慘被連追三局..成為喪家之犬…昨天對美國,胡總也到場支持,可惜我們中國隊表現依舊令人失望。
為什麼會這樣呢?一句話:驕兵必敗!

中國人民常說自己大國崛起,因而意氣風發,洋洋得意,什麼都以為自己最好!什麼超英趕美,2020年會成為世界第一強國,作為中國人,支持國家是必然的,但內地人民的驕傲,我實在看不過去。

大城石澗

上週末的相片!

奧運紀念鈔的我見

祖國舉辦奧運,香港協辦,實在可喜。
而中銀香港發行奧運紀念鈔,可以滿足收藏家們,老百姓更可以把這些紀念鈔作為紀念品,在心中留下回憶。
這幾天上班,八時多經過中銀,人龍一看應有近千人,大部分是老人家,還有不少青年。希望他們純出於個人喜好而來吧...如果希望圖利...就有點兒傻加天真!(最稀有的那些一版過未裁開的那些應可投機一下)
為何不能圖利?
1.流通量太大(這人龍最少已經出現個多星期,還只是計及本人住處附近,若計及其他分行呢?相信沒有人不知曉物以罕為貴的道理吧)
2.這些紀念鈔,是法定貨幣,二十元鈔就代表二十元,中銀的零售價是加上紀念品的縊價。法定二十元的東西售價超過本身面值,這紀念鈔值多少有誰說得清呢?何況只是區區奧運紀念鈔,在我眼中沒什麼特別?

我尊重排隊者的選擇,但後來的圖利者,他們不能阻止本人的嘲笑。

週記一則

這個週未...

周六 炎熱
騎著單車去溪澗捕蝦,捉了5隻回來,回家與金魚一起養,晚上就死剩兩隻...始終這些蝦不屬於這個地方的...

周日 書展
跟著小妹..不用打蛇餅就輕鬆進了會場...其實每年書展都差不多...來來去去沒甚麼特別...
書不是特別平,也不是出面沒有得賣,又人多擠迫,如果要25元一張票...我就不會進場參觀呢~

下午香港的天氣風雲變色,平常風平浪靜的銅鑼灣街頭,突然刮起大風,還以為有颱風襲港...風中還伴著陣陣海水味...但這種香味好像只得我和女友懂欣賞!

雖然刮大風,但街上的氣溫一樣熱...走進starbuck 飲杯星冰樂,暑氣盡消...啊~~享受~

When it Blend?! Iphone 3G

haha...好耐無睇Will it blend 系列...今次實驗既係IPhone 3G !!落足本~
去片!!

女人無才便是德?!

比女友炸型...話我好耐無響BLOG度寫佢..好啦...我就諗倒用女人無才便是德?!呢個題目!!

呢個題目...好難寫落去...不過為左挑戰自己,就試試啦.

俗語話,一個成功既男人背後,一定有個女人。你地話,呢一個女人需唔需要係一個叻女人呢?
我就話唔係啦,蠢蠢地,天天真真就最好,君不見..好多為人女友/老婆懶醒,不斷為自己男友/老公作仙人指路,不停聲稱係為佢好...唉...其實呢D醒目女人先係最蠢既,佢地既男人會慢慢咁無左自己...結局大多沒有好的...我相信一個心智成熟既男仕心裡面唔會無自己計劃的.

在本人身上經常發生的事件...在某日又發生...女友說:點解你乜都識咖..你咁叻顯得我好無用...
我就會安慰佢...我唔需要你叻,你只要給予我愛與支持就足夠...

其實男人心裡面只要有一個「她」,就會感到平安,有了這個peace of mind,男人就能夠無顧慮地去為未來打拼,所以一個成功男人背後,要有一個女人,但是這個女人不一定要是叻女人!

在網上找到這篇有趣的文章成功男人背后都有一个糊涂女人

大水的雙鹿

上星期雨後的雙鹿,很大水量...噗一聲跳進水裡,不使勁地游就會被沖去,真好玩!哈~

花式電單車入豪宅