警隊

星期六獲邀去左睇朋友既警校畢業典禮,真係好新鮮!
晨咁早6點幾就起身搭車去黃竹坑,入到場,好多靚女呀...不過只係d賓客.
在企位區等候典禮開始,下著毛毛的細雨,等埋其他人等freefly,wiwin 後就一齊去到順泰園度睇典禮,去到九點左右,終於黎啦!開始時好緊張,四圍搵睇下見唔見倒小帥,實在好難搵...個個學警著到一樣排晒隊,好似一班複製人咁,到最後響一班女學警後面終於搵倒小帥,我地興奮到叫左出黎「睇倒啦,睇倒啦~~~」跟住就比人0殊啦...
百幾個學警列隊後,王仁龍就出現啦,先閱兵,再講野,佢講到聖經裡「清心」呢樣野,真係好有意思!
跟住就係步操表現,真係齊到無倫...果然係複製人!見倒朋友在其中都幾開心.
典禮完成後,影相時間來了,「唔該望呢邊,一二三,唔該望這邊一二三...」,影完相就由新紮師兄帶我地到警校的四處參觀,先行到學警宿舍,課室,運動場,練靶場,到最後最精彩的戰術訓練大樓,呢間大樓裡面係有仿真實的街道響裡面,可以比d學警響裡面玩war game訓練,如果可以租出黎比街外人玩就好了!!
去到呢度,警校半天遊都到尾聲啦,參觀完之後搞到自己都心思思想試下tim~~

家庭主夫

這幾天媽媽離開香港的日子,要肩負起家庭主夫的責任,真係很繁忙,煮飯,洗衫,洗碗,拖地,最慘係個廁所水廂壞左,尋晚放工自己修理完後,又到水廂既另一樣野壞,又整極整唔好,依家搞到個水廂係咁漏水,成個廁所地板都濕晒,加上阿妹又病左,要照顧佢,得返勁少時間溫書...唉...

南丫島

昨天一行三十多人去了南丫島mountain bike,這個小島給人的感覺很好,如果能夠搬進去住也不錯呢~

九龍東的黑夜

今天晚上心情有點納悶,一個人去吃飯,然後去騎車遊遊街,在屋村裡的樓梯飛馳,怎料遇上ptu,好在沒有被抄牌,之後再騎到去三家村u-turn返家,回到家心情還是一樣...有些東西仍然想不明白...

無題

今朝起身鬼咁凍,頂...
個喉嚨好辛苦...唔知點咁...一定係尋日下晝0個個超咸既炒牛河作怪...

寒冷

三月中也就到了,怎麼還會有寒流襲港,真是crazy的天氣...
昨天一早就走去apm買戲票,終於買到斷背山的戲票了.
下午與家人去了禮賓府(以往每次都是看報紙才後知後覺),那裡五時關門,我們四時多趕到,興高采烈要拿相機出來拍照,誰知道相機竟遍尋不獲,真是很沮喪,算把...好好欣賞這裡吧,不拍照也沒關係..
由後花園最入,沿著小徑一邊欣賞花卉,很多種類的花也有...大大個花園,綠油油一遍,向外看四周卻是中環的商業大樓,就像熱鬧市中的清泉一樣,走完後花園就進入大廳...wow..cool,好有氣派,有很濃厚的歐洲味,是一個大家庭可以圍著壁爐取暖的那一種格局,很想立即搬進來啊!!!可惜要住這裡只得一個方法,參選.....
從這裡再走到前門離開,發完特首夢了,回到現實~~

LOST

望穿秋水,第二季lost 終於響axn 播啦~~
今晚睇完第一集,真係好好睇~~阿jack落到去個隔離地下室度,竟然遇見返以前一個萍水相逢既朋友...真係好迷....
好期待下一集呀!!!

http://www.axnasia.com/buzzsites/lost2/

花展

已經很多年沒有去過花展,今年在陰天下與女友和小瑩這個高能電燈泡再到此一遊,不知道是否太久沒有來,感覺這次的花展的花比以往來的每一次都要美,可能是身邊的伴不同吧!

我們兩時多到達,就開始謀殺記憶體行動,到處拍照,由兩時拍到五時多,足足影了幾百張相片,電池也耗盡了,這個花展當中最美的要數是鬱金香海,幾百多平方米的鬱金香,已經令我們感到雀躍,真想飛去荷蘭看看更大的花海。

離開會場後去了ikea 食下午茶,一人一個熱狗加果汁,又平又好味,再順路走進中央圖書館看雜誌,看了很多本外國mountain bike雜誌啊!!正~

六時多與小瑩分手,同女友乘車到九龍灣見見外國回來的親戚,帶他們到牛頭角下村的街頭地方食晚飯,吃了很好味的楊支甘露再回家,過了充實的一天。

勞動日

今個星期無乜特別,所以無乜好寫,依家就寫返篇啦~

昨天工作真係好繁忙,下午lauch 完開始拍校園電視台,拍罷即刻就要去拍atv,之後又要返studio拍返校園電視台,再加上無數既文件,真係忙爆...

放工跑過去寶琳搵左好耐買倒我須要既單車維修工具,再去接女友放工,先呆等半粒鐘(我知道妳也不想,不會怪你的^^),然後一齊去買餸,拿住大袋細袋,又多電話入...身心都很疲累,上到女友屋企以為可以抖抖,點知又要勞動,要幫伯母整呢樣整0個樣,以及拿放在好高的碗碟；再陪表姑去接突如其來的親戚,真令我快要暈了...

女友弟弟帶了金毛尋回犬dondon來,實在太可愛了,又醒目,搞到自己都想養返隻.

捱到九時多,終於有飯食!!!
食完再勞動...帶住傷黎搬野...一動一痛...早知返屋企溫書好過啦~
返到屋企很累,沖涼後,倒頭就睡著了~

以為好返晒既左腳又痛返..今日還嚴重左...唉

TO:表姑,表姨,珠珠
伯母實在嚇怕我了...我很驚....下次我要有十足的狀態才能到你家了。

珍惜眼前人

今日食完lauch,返到學校準備拍野前,突然收倒個壞消息,知道既時候真係好愕然,就係好友的爸爸過左身,雖然佢唔係我爸爸,但係都同佢家人食過餐飯,都感到有d 突然,希望好友心情能夠快d平伏啦...近排真係巧合,好多巨變都發生在身邊既人身上...夠啦...唔好再黎啦!

放工回家,同家人一齊到八喜食晚飯,好好味,呢晚我食得特別開心。
今日唔知聽日事,每一天都可能是生命的終結,要好好珍惜眼前人,及時行樂呀!!!

情人節

這是跟女友過的第一個情人節,對我來說有很大的意義!
選購禮物真是費腦筋...想送花,送得少又不好意思,大大扎又太昂貴,我可不是億萬少年呢~
在apm 的suzuki 吃了個情人節大餐,鄰桌的情侶竟然是兩個男人,真搞笑；食物不過不失,最美的是甜品,一個心形的雪巴,好味道!!
希望出年也能夠有一個甜美的情人節啦~

傷殘人士

昨日係一年一度既香港跑壇盛事,渣打馬拉松2006,我當然唔會錯過啦,今年第二次參加全馬組別,賽前係一次操練都無進行過既...哈:P
這天五時多就起床了,與女友,terry,ling 會合後再到尖沙咀,今天空氣實在很差,望向維港灰灰一片...oh my god...究竟香港何時才會適合人類居住呢?大家一齊warmup,準時八點三起步,感覺上今年的氣氛沒上年的好~
起步後keep 住speed跑,一小時多一點通過10km,途中遇見很多認識的人,到青馬大橋開始食第一包,亦是唯一的gel,進入汀九,見到葉伯,他已經回程了,記得上年跑得快過葉伯的,今年卻落後這麼多...
體力慢慢下降,通過全馬半程點後開始很辛苦...慢下來慢慢走進25km,惡夢開始來了...水呀...水呀...大會點解會收水站咖...這時才進入賽事的第三個小時,我滿懷希望地以為5km後應該有水站的,捱到30km時,又是沒有...大會太過份了,是想迫我們慢的這批人放棄嗎?我不服輸,keep on~去到32km,意志力也用完了,媽的...口渴死我了,算吧...不甘心地上車...為今年的比賽寫上句號。

今天的腳很痛啊...他媽的全馬,明年我要kick your ass~~~

病癒

整晚哼著王力宏的花田錯,他的新碟真的很好聽。
謝謝女友送給我的禮物,去看了新上映的電影真的愛你,四個愛情故事的穿梭,描寫親情的那一個最令我感動,亦使我明白生命的脆弱,要好好珍惜時光。
看完後去了傳說中的fullcup cafe,美麗的裝潢,可口的飲品,可惜價錢略貴而有點美中不足。

病了

星期六晚喉嚨開始有點不舒服,星期日去踩了一整天單車,在榕樹澳抬著三十多磅的車子到嶂上,真是累透,今天第一天返工,竟然有開工利事!!帶病回到家,現在的聲線很性感.....可以去做DJ。

新年假

漫長的農曆年假接近尾聲了,現在還有3天假期,這個假期去了女友家渡假了3天,很久沒行花市,於是年廿九晚去行花市,在細雨下買了百合和鬱金香,初一就去會展看花車巡遊,初二看煙花,今年的煙花真是特別燦爛,可惜中途煙花的濃煙散不去,影響了效果,初三回到熟悉的家,整單車,初四,幫媽與妹預備行李,整單車,今天初五她們飛到台灣了,剩下我一個,希望她們玩得開心吧!!
今天晚一點還要到女友家拜年.....總不能兩手空空上去吧...買些什麼禮物呢...真是麻煩....

6合常中

新既一年,雖然一開始就遇倒d低潮,但係到谷底就反彈了,本年度短短一個月中第二次6合彩,雖然只係中少少錢,不過已經好開心,如果以現時走勢黎睇,好快就會中頭獎~~哈哈(發夢中!!!)

再出發

自從新年後都無踩過長程mtb,今日終於踩返次~
行程如下：
飛鵝山道(長命斜) , 基維爾營 , 打瀉油坳(抬車) , 茅坪 , 梅子林(落樓梯) , 梅子林路 , 富安花園(午餐) , 恆安村, 良友路, 馬鞍山村, 燒烤場, 昂平(抬車), 萬里長城, 馬鞍山郊遊徑, 大水井, 菠蘿輋, 西貢

今日非常之凍,得0個13度,我估上到山under10度都有,講野都出煙,著完兩件衫都重要加多件windstopper 先夠,一開始先同成成,becks集合踩過飛鵝山,再推上頂,去基維爾營,就進入offroad 路段啦,因為天氣潮濕既關係,踩單車變左踩冰咁,個轆不斷地打滑,真係幾好玩,順手又可以試下tire, maxxis d tire都ok,好過irc,跟住去到第一條樓梯,要連轉兩個大彎,mm先落成功,到我….
淆淆地…但最後都成功左~哈哈





之後成成落cup左車受傷；繼續行程,推推踩踩咁,兩點落到富安花園(午餐),午餐後又係上斜時間,到馬鞍山燒烤場後,再抬車上昂平,抬足半粒鐘,人都癲呀…
跟住到開心路段了,終於可以響昂平踩車,風光如畫既風景,好感動!!





接大水井的超高難度路段,同osim 樓梯,done 到頭都暈…落到西貢市食滿記糖水,再踩返藍田。Mission complete!!

作文堂

見女友post 左新blog,我又跟風寫下先:DD

作文堂
題目：我的女朋友
我的女朋友是個小東瓜,臉圓圓,身型少少,卻配上大大的眼晴,粗粗的眉,厚厚的咀兒,很可愛,我最愛就是看見她笑,及擁抱著她,我對她暫時都很滿意,跟她一起後,我完全沒有被管住的感覺,充滿自由,實在太好了,我不想多了一個媽媽。她真的很貼心,能為我分憂,對我很好,還是一個人肉暖爐。

題目：我的朋友
這題目太難寫了,我有很多朋友,為免忘記提某些朋友使他們懷疑自己在我心裡的地位而不快,還是不寫了:p

Dear my friends：
Sometimes, have not call you all for a long time, I’m not forget you all, actually, all of you are in my heart, If anyone have something want to share with me, don’t dubious, come to me!
hang hang

返來咯

尋日去左apm 唱k,好耐未唱過啦!終於見到珠珠的best friend,原來當阿miu碰上小瑩既時候就會有咁既化學作用,真係好搞笑~~笑死我~~
唱k時唱左幾隻幾難唱既歌,氣都斷咁滯。
之後同珠珠去左魔鬼山晒太陽,好熱呀...差d 中暑...
返到我屋企,又到我下廚既時間,好耐無做過飯,原來煮飯係咁辛苦咖...
D 糙米因為無浸到,硬到石頭咁..唔知有無食到珠珠胃痛呢?!哈

經過尋日之後,我諗以前既我應該返來了~~XDDDDD

放下

晚飯時跟媽媽談了很久,好像舒一口氣了,我真的給自己太大pressure,我不是救世主~

我太不甘平凡,太完美主義,太多理想,太喜愛挑戰難度,太居安思危,太愛玩,還有很多太...什麼事都去到那麼盡,真的不能再這樣下去,我真是要學懂放下了!

由明天起,我希望自己能夠以平常心去過活~

無題

這幾天思緒很混亂,一層灰色罩在身上,沒想到新一年開始就遇上這樣的情緒低潮,平常充滿精力樂天的我那裡去了?

回來吧...

depression

新的一年,好應該開開心心,但這幾天精神實在很差,身體差,心情又差...
放完假回來,上班時很多原來駕輕就熟的東西都變了,總覺得諸事不順,真是很氣結!!

看來我需要一個洞穴.....

從晴朗的一天出發

二零零五年十二月三十一日 天氣：暖
任務：長咀打邊爐,等日出
出席人員：帆,成成,銀伯, mm, terry, 七哥, benben, funny, fafa

晚上十一時西貢集合,見倒久違了的benben,七哥,今次活動真係齊人,好開心。
坐的士去到北潭凹,大慨十一點九起步,走回上年的路,想起上年尾發生的一切,真是百般滋味在心頭,上年的不快,現在的自己,一笑就能置之,哈,應忘記的人就忘記吧。
到十二點大家一齊倒數,很愉快,之後收到女友的sms,非常甜絲絲,收到stanely電話,再到老豆,katy,mum。
三時半左右到達長咀,大家分工合作起壇作法,醫醫肚,食物很豐富。

我地打邊爐既時候,陸陸續續有好多行友都黎到長咀,本來空空如也的營地變得熱鬧起來!
食食食…馬拉松地食到五時多,有點後勁不繼,先睡睡,拿出螺絲羽絨睡袋就鑽進去,好溫暖!!睡了個多小時,七時起床去睇日出。
時間慢慢過去,陰雲依然不散,應該無緣再看到上年那迷人的水平線日出,影影相後返回營地再食過!!七哥糖水好好味!!!
九時多離開長咀,十二時左右回到文明!!

行程相片
http://www.giantbikeclub.com/albums/album12

2005年總結

回顧這一年真是最不幸和幸運的一年。
今年所有甜酸苦辣我都嘗過,失去了一樣很重要的東西…又得到了另一樣很重要的東西，但這兩件事的發生同樣也使我成長了。

現在的我,還是年頭我所希望的見到的我,很滿意!
人總是要不斷進步的…

來年願望：
1.自己/家人/朋友身體健康
2.同女友過得開心
3.事業有進展
4.have fun everyday,玩得更癲
5.6合常中.哈哈

開心假期

感恩因為耶穌的誕生為我帶來這個美好的聖誕假期。
兩天對著妳,兩天跟朋友玩樂, 真是何其快哉。
希望以後每年的聖誕都可以過得這麼快樂啦~

起馬七八年沒有到過海洋公園,有點重拾童年時的情懷,越磺飛車太刺激了!!

還有剪了一個新髮型,朋友們覺得不錯,但回家就被給予劣評~哈

掛念

今個星期挑戰自己,要五天不見女友...
去到今日已經好難忍..,原來幾日唔見妳都咁辛苦咖...

還剩下一天,就可以見倒妳了!!太好了~

郊遊

第一次與女友去郊遊,為路線真是搞盡腦汁…很怕會令我的珠珠受苦。

這天十時多在西貢市中心上街車,在西灣亭起步,踏上這條我精心挑選的高難度路線,長12公里,非常費力難行,以及須要豐富行山經驗人士才能夠行的路徑。

今日天氣十分之好,清風送爽,沿著山徑而行,萬宜水庫的光景盡入眼簾,還有碧綠色的湖水,很久未試過如此閒遊了,大半小時後到達很大浪的大浪西灣,在無敵海景下先吃早點奇異果再上路,上山時太陽熔化了我們,原先穿到一隻粽般的大家都要脫下外衣,我還脫剩一件短袖衫呢!

再行一段路去到咸田灣,走過沙灘在士多加水,過到大灣,再上一點山就在東灣大灣中間的牛屎山坡上大休煮食,飲了湯再煮了兩個面吃,食飽飽就在軟棉棉的草上來一個午睡,一邊賞浪,賞妳,一邊嘆嘆茶,此情此景,真是人生一大享受…我實在太幸福了。^^

休息夠就步回咸田灣向終點北潭凹進發,在大浪凹欣賞美炒的日落,大陽下山後,天氣很快就變得寒冷起來….快要凍死我了,幸好有大大個人肉暖水袋在旁…哈哈

六時多終於走到漆黑一片的北潭凹,乘小巴回到文明。

To 珠珠
你真的比我想像中的體能要好呢!!讚!!
感謝你家的一餐晚飯,雖然沒有一樣飯菜合我胃口,除了高脂黃油雞湯外。

感謝您!!

你的恒恒上

受傷

好耐無去過河背水塘踩單車了,呢個周末就決定去返次啦,今次同行既有成成,becks,銀伯,mm,ne.
好開心咁出發,由甲龍林徑去到河背的downhill路,帶頭高速落山,沙塵滾滾,就在一個泥坡位炒車了,背部先落地,單車的brake 手也給我撞 r ,早一天買的手pad 給我擋上手的撞擊,但是膝蓋就沒那麼幸運,帶上護膝也被擦傷,看來要好好檢討一下安全措施。

落到河背村接上環塘路前經過一有機農場,有一班幼稚園生在旅行,把握機會問問他們的老師,借到了棚帶包紮,再飲了杯充滿豆味的美味豆漿就再上路,吃午餐後,開始環塘,踏了半小時,去到一樓梯位,照常衝落去,點知落到一半時甩踏了,就咁樣,就炒多次,連人帶車跌落了身旁高兩三米的山坡下,撞親條腰....黑仔

信心減了一點,餘下路程以安全車速行駛,唔落樓梯,安全地返歸...

12.4 大遊行

今日一早陪完屋企人,就與女友去了銅鑼灣趁墟,看看12.4大遊行的情況,影影相,見證一下歷史,其實我也不太明白這個政改方案的情況,而普選 我相信大多數人都希望的,但是前進是須要時間的,急不來,不要太過執著於07/08吧!

看著沒好氣,就去行行街,G.O.D的傢俱用品真係好靚,每樣都令我愛不惜手,再去osim 坐按摩椅運吉,好舒服啊~哈哈

充實的一天

今個禮拜天,清晨五點半就起床了,食完野就出發到天水圍跑nike 10km,甜心咁早都陪我一齊去,重幫我咩背囊tim,真係抵錫,而我就抬住架三十磅單車一路行做熱身,去到天水圍都無晒力了,蔥蔥地搵到mm放底單車,筋都無拉就起步了,跑呀跑,見到好多身型很fit 的hot girl 啊…讚!!!唔記得帶錶,無時間睇,最後我選擇了兩個鬼妹差唔多speed 的跟住跑,好舒服…中途遇見很多熟悉的面孔,回程時風比較大,不斷地搵人在我前面擋風,輕鬆完成10km,時間55min,好慢…

之後去食早餐,好好味的米線!!食完送甜心搭車,跟住就同銀,m 開始我們單車之旅了,我地先由天水圍踩去元朗>屯門>良景>happy together青山操炮區>無敵海景白泥>尖鼻咀>南生圍>元朗球場join giant bike club>大棠>夜踩半環塘>黃金海岸,坐底後成個人散晒…..

間露天餐廳好大風….好凍
我地giant bike club 個zone,拉晒banner 咁,又有高層黎,好似好大場面咁,有d 商業味,真佩服佢地可以咁樣搞。
食完野就玩遊戲,場中有步單車機,比我地踩鬥遠,散散地的我求其踩踩就算了,很累…跟住就有armstrong poster 派,唔錯,我偶像!
萬眾期待的抽獎時間到了!!好豐富的獎品呀~登登~~
好幸運地,我抽到大獎,名貴giant cap 帽一頂………
其他車友則無咁lucky 了,抽到精美giant 原子筆一支…. 吹脹

十一點多散場,call van 出荃灣再搭mtr,一時多回到家,看來明天要sickleave 了。

甜

今晚去了跟她興祝生日,在又一城exp 吃晚飯,再山長水遠走到太平山上看夜景,山上很凍,我們好像去錯了地方。
摟著妳,彷彿是世上最幸福的人了,充滿溫暖...

很懷念你那蜜桃味啊~很甜,下次想再試下!!!haha

西貢東一日遊

 

好耐無行山了,今日就同terry gary去左行短咀,
是日路線：
北潭au>赤徑>大浪坳>南蛇坳>大灣>咸田>赤徑>北潭au
天氣比我想像中炎熱,行到無乜feel, gary 行到南蛇坳已經氣力不繼了,無奈…
唯有縮短行程啦…..直出大灣算數…..
等待gary途中,在大灣旁佈滿軟草的小山岡上睡了一會,聽著風聲海浪聲,心裡充滿寧靜與幸福的感覺~
幾經辛苦五時多終於行到水清沙幼的大灣,望著大浪拍岸…
與terry 決定解除束縛,咱們衝浪去吧!!撲呀撲~好好玩,哈哈!!
隨著太陽的落下,我們都帶著疲憊的身軀離開…
七時多回到北潭au,好肚餓…緊接下埸去鑽石山找女友食飯,很充實開心的一天啊!!!

回家在地鐵裡得知今朝海下單車比賽有個車手比小巴撞死左,聽完覺得好憤怒同可惜...
d 小巴佬真係無人性咖,自己作為一個經常踩單車既人,亦心明香港司機對我地踩單車既非常之不有善,點解要咁呢,我地做運動之嘛,唔通做運動都有錯?! 

george wedding

 

今日好開心咁同stanley, cathy 去睇george 既婚禮,去到聖彼德堂,一入到門口就見到新郎哥,好有型既白馬王子look,哈。
響呢個神聖既地方,婚禮進行了一個小時多,每一幕都係咁動人同令我為佢地感到開心,最感動係佐治深情獨白時間,聽到我眼濕濕。
唔知幾時到我有呢一日呢? 

心跳

今天整天都想從心裡笑出來~什麼事都不再重要了~

昨晚先去尖沙咀很美味的沙嗲,再到人影都無隻既西九龍海濱長廊過二人世界。

很開心昨晚能牽著你的手,
半夜你可愛的臉兒仍不斷出現在我心裡,弄得我睡不著,
我會記著屬於我們兩個人的昨夜。

休閒的一天

 

今早起來,昨晚炒傷的大腿行一步痛一步,近來經常受傷,看來要休一休了.
下午與她去看了黑社會，進場有人先比人查身份證…哈哈
呢套片拍得係算好睇,美中不足係從故事上黎講,根本唔夠用黎拍一套電影…做一套電影既中途一幕就差唔多。
無印士多啤利朱古力好好味^^
吃過仙跡岩難食的野菌飯後…我們就去尖沙咀睇海盜船,很有中古感覺既一架木帆船,好靚~
原想一登影影相,可惜原來早已派晒飛…惟有望船輕歎
我們再在尖咀在逛逛就走了。

剩下的我就要去迎接晚上令人傷感的最後的晚餐… 

港島xc

 

第二次跟giant bike club的車友一行廿多人夜踩港島xc, 山頂出發一開波就壞了頭燈,幸好有阿beck幫忙,借了他的頭燈給我；唔夠光,因此不能去得咁盡,cup了一次車,如果無帶pad真係腳都斷…最後happy together 路段,幸好又有阿tom 的大光燈在後照著,才能夠來一場盡興的追逐戰,係咁追餅 每個角位都劈盡壓入彎先不致被team a 的強勁的隊友放甩,crazy 了一晚,好爽啊~ xDDD 

元荃古道單車行

 
 
放下心情,今日跟周老闆黎一轉happy together,報告大家,感覺良好!!
大清早響將軍澳上車,大帽山下車,等埋銀仔mm,一行廿幾人浩浩蕩蕩出發,經元荃古道,還有很多刺激的山路,興奮既我挑戰左好多險位,技術又進一步了,真係越黎越喪,炒左幾次車...傷左少少

有咁多前輩睇住,今日成日都比人叫小朋友...哈

講多無謂
photo of the day:http://community.webshots.com/album/483703337qqMIej

痛苦

離別的痛苦,最令人感傷...
這個星期,就從傷心中渡過...心從未如此痛過...
午夜夢迥,還是從心裡痛出來...
第二天在人前又要裝作沒事...真艱難的考驗啊

本身相信凡事也是好事,這是事件讓我學到什麼呢?

心亂如麻

昨天早上與m,銀去了清水灣釣魚翁mtb,充滿煙霞的空氣真令人玩得份外吃力,因為有約...蔥蔥行了一轉就走了,回家後氣管很辛苦...吃奶的力也沒有了,這種天氣真是我的死對頭,睡了一小時,好了點。

晚上,約了女孩子一起看電影親切的金子,這個復仇三部曲最終回,復仇意識無前作原罪犯咁強,但仍覺恐怖,李英愛演技唔錯,暴力,性,加上黑色幽默,沒有令我失望!

看完吃過晚飯就回家了,原本很想送她返家的,但太累了,還是下次吧~
你的笑容真是很可愛啊~:D

開心完返到家...有點家事要煩...真是很煩...現在心情在低谷中

重陽節登高去

今日又出動!配備埋我既新玩具!心跳錶~

出發前收到小超通知,佢又要放飛機了,次次都係咁,預左啦!

3點幾響灣仔等埋銀仔就出發,經花園道踩上太平山頂,不消一個鐘,搭車都係差唔多時間啦,哈。

山頂上真係人山人海,好熱鬧呀!

補給完就落貝路道進入港島徑,d 山路又闊又順,我地keep 住高速前進,進入金夫人馳馬徑,其後join埋一班大叔再進入金督馳馬徑,其中一個叔叔係做演員咖,好熟面口；入夜後沿畢拉山道而上,真係比佢地扯爆...0個段時間心跳上到200,差d 爆錶...薑真係老既辣

入到山好lu,車尾燈都見唔倒,無晒面...哈
最後同銀仔慢慢踩落返則魚涌完成旅程!yeah!

環島單車

 

九月三十日晚與朋友踩單車環島一周,此照片拍攝於大潭水塘 

安全唔安全

這個下午,我走進seven,去到這樣東西的貨架前,真係好花多眼亂!那種牌子好一點呢,我細心選擇著,最後想起朋友說蛇仔牌的感覺很好,嗯...就這個,再加上杜記啦,顏色好像不錯。結帳十元也不用,我盤算著有這麼便宜嗎?
突然有人叫我：仔仔,起身啦,七點鐘啦,張開眼...原來只是造夢

哈,我竟然在夢中去買避孕套...為什麼呢?
這陣子的性教育廣告真好,令我造夢也想著要安全。

不自私的互聯網

今天給我發現了這個：

http://zh.wikipedia.org/

多偉大的意念啊!

現實世界如此也好,我們是否應當要學會分享?

chi sin

三號波...好悶呀...做d 咩好呢

於是去左踩mountain bike,同成成先黎一轉龍脊,同成成交換車踩,比架軟架佢踩下引誘下佢先,好大風...吹到人都癲,落到土地灣join綸子,三條友再向大浪灣進發,落石澳道迎著風而行,踩得份外吃力,點解落斜都咁辛苦咖!到大浪灣,巨浪一個個撲上沙灘,每個至少三四米高,好嚇人,浪花好似雨一樣散落於沙灘,真係令人好興奮呀!

欣賞完轉戰到石澳,浪比較細了,但依好然好嚇人,有好多人在沖浪,最後我們三人都落海游水了,哈哈,好好玩,玩到樂此不疲,重嫌人地d 浪唔夠大tim,睇黎我地都就痴線咖啦...玩到綸子覺夠皮就踩單車去大頭洲再賞浪,玩玩樓梯,回程踩石澳道回西灣河食飯,又一充實的crazy trip,期待下一個crazytrip 的日子啦。

photo of the day
http://community.webshots.com/album/459704603YIZXsa

新車出閘了

出左部nrs,終於升級完成,朋友號榮休了,會將佢轉做roadbike

星期一第一次試車,與車友在水浪窩集合,先踩入榕樹澳,一開ball就有意外發生了,兩個人退出。
到榕樹澳再與第二班車友集合,開始抬車上山,由天梯向嶂上前進,抬足四十五分鐘,好攞命,抬到想嘔,
好在有伸手助人協會幫手,抬我架車上山頂,先能夠繼續。

在山頂越過重重泥漿,去到嶂上,即刻補給先,飲左好好味既冰凍山水豆漿,抖左幾個字就再起程,
由嶂上郊遊徑向海下落山,呢條路難度都唔低,係咁衝落去,落左好多樓梯,前後避震車真係好舒服,
落樓梯好穩定,無咁易炒車,如果以前的朋友號,我一早落車推了,落左唔知幾耐,去到海下路。

轉onroad 踩一段斜路,再衝落海下,爽呀~

食完lauch,上去踩蛇石au 過深涌,中途睇表演,差唔多45度斜四五米高既樓梯,到底係條澗,
重係即刻向右轉,完全無緩衝位,失手直飛落澗,d 車友都照衝落去...睇到呆左
之後返到榕樹澳去車友屋企開餐,重有得洗車tim,好一個豪華冒險團,正!!!

希望ne人們快d 升級,可以一齊踩呢d 更激既路線啦~

病左

臨比賽前兩日，唔知係唔係比同事傳染左d 傷風咳過我，搞到我鼻水長流...真係嬲呀!
病就唔好返工啦~我龍體好怜貴咖!!

星期日頂硬上照去淺水灣玩水陸兩項鐵人賽，出發前個人都呆呆地咁..頭腦唔多清醒
唔去唔知道原來係有咁多靚女玩三項既,好fit既型男都唔少，d 肌肉線條好靚，一排排吉百列排響前腹度，我第時都要操到咁樣先!

賽程係先游五百米，上水再跑五公里；游水出唔倒全力，慢過alan 要同iz一齊上水，轉項時神志不清手忙腳亂，搞到iz走左成三十秒以上我先走倒，開始跑步，體力直線下降，比銀仔過埋...最後43分幾完成..失望

賽後成成terry join埋我們，再去行澗，行紫潭711，最近只踩mtb的我們，都忘記了澗點行了，行到成個新手咁，下晝越晏空氣越差，香港多了幾個東亞病夫，咳到我地死...香港d 空氣完全唔係人可以承受的!

又一日

又過了沈悶既一日了,真係好難頂...做野一條友..
食飯又一條友...返工好似玩自閉咁~

放工好好發洩一下,跑步返屋企,爽呀!!

第三天

轉眼間,已經第三天上新工了,這裡給我的印象不太好,除了老師以外的同事,實在太懶了,比以往官校官僚制度下的員工更甚,看著他們...心裡暗叫：「唔係呀,咁都得?!」相比已經很散漫的在下,也比不上。

換個角度,好處還是有的,就是非常休閒,用來當作風流工也不錯,星期天去玩,星期一就回校休息,未嘗不是神仙的生活呢~

肚痾....

呀...好肚痛呀...兩日內痾左八九次都有....
個人散散地...無乜力

好充實呀

今日過得好充實同開心,一定要記底佢!

踩單車

一早先去河背水塘踩mtb,呢條單車徑真係刺激好玩,踩住我既一點零,七百蚊一架車,但竟然快過人地幾萬蚊架車,心裡有點兒得意,又再證明,人先係問題!!一個人強的話,用乜車都係強既。
踩完downhill 路,去環塘,突然聽到拍一聲...原來斷左鏈...慘,要回頭,最後遇到一班前輩打救了我，出門遇貴人。

太陽計劃2005
踩完車趕出去同小超睇太陽計劃2005show,到場見倒我好喜歡既dj李志剛做mc,坐在貴賓席,與舞台近在咫尺,睇得好清楚,欣賞了多個歌手表演,以下以評分表列出：

許志安:一般,不嬲對佢無乜好感
韓紅:完美的聲線,好好聽
達成一塊:我的最愛,明歌夠有型,劉以達夠可愛
kenny:可以不理,去toilet 時間
張敬軒:OK
容祖兒:一般...有四個女dancer 陪佢跳舞,好索!流晒鼻血...
何韻詩:唔明佢點解咁紅...toilet 時間
郭富城:熱唱勁舞,開始諗緊下次佢開SHOW要去睇
梁詠琪:改左形象,好火辣,完全改觀
eason:浮誇...真係幾浮誇
deep:肥仔咪咀跳勁舞
李克勤:一貫水準

新工

一兩星期前還在擔心自己的前途,害怕工作不知到何時才找到。
沒想到現在一來就有幾份工叫自己面試,其中一間已經聘用了我,但我還在三心兩意,因為請我去面試的工作有一些待遇是更好的,但如果放棄了已聘用我的這一份工,天知到待遇更好的那些一定會請我嗎?
真令人煩惱啊...

大城急湍

早前拿冠軍得到了teva 的coupon,於是購買了一對各方好評的行澗涼鞋,等了又等,終於有機會試用了。
今日即興就約了terry 一起到城門水塘行草城石澗,在草城石澗灰橋下望,水流很急...水位高得有點嚇人,放棄...
轉到大城石澗去,於中下游入澗,嘩...好玩!大城急湍就在眼前,看來全身盡濕難免,我穿上保暖衣預備;平時簡單易行的大城今日變成了猛虎,很多原本外露石頭都淹沒了,一個又一個的難關阻擋著我們兩個傻人前進,很多位置都變成致命之井,自命澗神的我都要出盡畢生之技巧才能通過,過大鳥石後天色開始昏暗,還下起大雨來,使難度進一步提高,最後搏鬥了四個多小時終於找到一條出路,折回山徑,成功全身而退!
很久沒有一條澗能令我恐懼了,今天終於遇到~
what are wonderful trip~~~
teva 澗鞋的用後評分：
0分,他使我freefall 了至少三次,幸好都只是落在水中,6百多元的鞋=垃圾

好消息

今日去見工，這是我第一份嘗試自薦既工，去到同兩個主任傾左好耐...
知道佢地想要一個萬能人。
講講下講到待遇問題，我有我要求啦，之後就中其中一位主任就答，我地好多助理都係有學位既，但都係收緊七千蚊人工...
我心諗...唔係呀~扣埋mpf 得返幾多呀，依家大學生都重要做d咁既工咩?!

見完工後，打比阿妹，知道佢搵倒中六了，原校升，真係替佢高興呀，唔洗步阿哥後塵，希望佢生性啦，好好咁上埋大學。

會考

開著電視睇新聞，一年一度既科舉制度又到時候出成績啦，影住d中五生四圍撲，夠分都怕無書讀，好不幸，今年我個妹都係其中一員，失敗的教育制度，又一次要傷盡萬千會考生的心。

last day

終於唔駛返工了，進入待業既日子，呢段時間我要睇好多好多既書，實行定下了好耐既好多好多既計劃，因為財赤，還要體驗苦行憎既生活~我要好好享受這段時間。

生日快樂~

又大一年lu,一如平常同屋企人出街食飯慶祝

今年生日願望：

自己+屋企人身體健康
搵倒份有意義既新工
下一個生日有女友陪我渡過
黎緊呢年玩得更癲!

兩個傻佬

大雨滂沱，任由狗屎打在身上，伴著我的只有雨聲與單車，眼前濛朧一片，突然殺出一輛巴士，地上的水猶如一道浪撲來，混沌的腦袋清醒了一下，繼續前進，狂風開始進襲，車子也吹得左搖右擺，幾經辛苦終於到達西貢會合朋友，大家都笑了，我們都是傻的。

送別

今日係我地李鄭屋ta 們 最後一日齊人既日子了,george 兄都返黎同我地一齊食lauch,加埋阿輝,食完飯,與cathy 同mandy 道別,有d 唔捨得,希望我們將來可以keep 住做朋友啦~

港男

睇完無記既港男選舉，幾搞笑，d 港男質素就一般啦；唔睇唔知原來男仔識彈鋼琴係咁殺食既，我都要練返放底已久既鋼琴先，操返一兩隻飲歌黎哄哄女仔都好~哈

貫切我平時愛挑戰既精神，就以李斯特既 LA CAMPANELLA黎 做目標啦!

摺埋

學校都快要結束了，開始進入倒數，呢排返工日日都唔知為乜咁...

這一兩個星期，成日一早同cathy 去游早水，真係開心；游完個人成日都醒神晒，加心情靚靚
再過多一個星期，就無人可以陪我咁玩lu...唉

另外都開始積極計劃我既進修大計，唔想再浪費時間啦，依家可能會報左個體適能課程先，始終搵d 同興趣有關既course 會比較有決心。

搵工又要煩，其實我自己想做乜呢?我自己都唔太知

比賽過後

炎炎的夏日裡，響受了美炒的比賽過程，在各個比賽的 cp 裡，熱切的感受到ne團隊的團結，真是很感動，多謝他們啊!沒有他們的，得到獎盃也是徒然。

拿到冠軍了，意料中事，早說過勝利是一定的~

但開心又說不上，只是第一隊的朋友被取消資格，我們才補上拿到第一。
我心中要的是壓倒的勝利。

現在比賽結束了，餘下的是熱烈的討論，談論他們值不值得贏，誰誰有出貓。
依我說，多講無益，期待下一場actionasia碰頭，我要他們輸得心服口服!

無題

我的心開始呼喊.....叫喚我了

煩惱的事又再來了...竟然對她開始有好感，我應該隨心而行，不顧一切嗎?
不想再拖了

香港的天氣

一早起床,好好天呀
回到學校,好大雨呀
放工,好好天呀
預備好出發踩單車,好大雨呀,無得去!
下午,好好天呀!!

如是者,幾次,最終與朋友一起去了獅子山,觀音山,飛鵝山踩單車,發洩了幾天的鬱悶,暫時忘記煩惱

怎樣習慣快快樂樂!

好文章分享
http://www.simonchau.hk/Chinese_B5/worldview/UrHappy.htm

雨一直下

兩星期...足足兩星期了
雨依然一直下，心情都一直down下去
但心裡的fire 依然熾熱，希望能夠維持啦!

人生計劃

今天沒有像平日一樣去了做運動,我選擇了在家為自己計劃將來,思考了半天,總算得出個結果來。
就先來個五年計劃啦,坐言起行,五年計劃始動!!

high 的一夜

張震嶽的樂與怒,把我的耳膜都快震破了,幸好有些慢歌可以竭息一下,
全埸觀眾都high 得站起來跳舞,good show ~~

反思

經過星期六日馬不停蹄的玩樂後,見過不同的人。
夜深裡在尖沙咀獨自踏單車回家,迷幻的街燈下,寧靜的街道上,我開始反思~

係時候發力啦,為我既將來!

我要將來人人都記得我!睇住黎啦~

炒車受傷

今日下晝四點開始同成成踩去天水圍,落西貢終於破左我既hasa 紀錄,72km/h
之後去到馬鞍山就大炒左....成個右邊身擦傷晒...死....下個星期重要比賽....
食完飯經料理後好返少少,慢慢踩入天水圍,經林錦公路 大落斜...
原來林錦d 大落斜咁勁,唔怪之得d 人話一炒就死緊,拖住落都破晒之前紀錄...65km/h
brake到跣晒軚先收倒,差d 又炒...
幾經辛苦終於完成旅程....

大假後

放完三日大假,一日去左長洲,一日去清水灣游水,一日行街,玩完幾日,心情竟然差了..
唔係幾好老皮。
學校既工作開始繁忙了,同事一個個走,真是有點意興闌珊...

今日買左下星期去澳門比賽既船飛,原來係咁貴既...
希望今次可以玩得開開心心啦 :D

熄電視

英 國 詩 人 艾 略 特 （ TS Eliot ） 說 過 ： 「 電 視 是 一 種 讓 幾 百 萬 人 同 時 聽 一 個 笑 話 ， 但 依 然 孤 獨 的 一 種 娛 樂 媒 體 。 」

有時聽到朋友為左電視節目唔出街，或者趕返屋企都會覺得很可笑，竟然對d 死物動情....
原來外國都有個團體發起運動叫人唔好睇電視，真係好arm d 電視精借鏡呀
turn off TV,turn on life~~


http://tvturnoff.org/index.html

平淡

好耐無上黎寫野啦,等我紓發下先.

今日心如止水，心內有說不出的感覺，好似好悶咁...但一方面又有平淡是福既感覺，究竟點解呢

最近又開始對平日既生活有d 厭...究竟點先可以為自己帶黎新既衝擊呢?

大家可有高見?